Revokimi i çuditshëm i urdhër-arrestit për Milan Radoiçiq-in – “ia mundësoi lidhja me politikën”
Prokuroria Speciale e Kosovës i ka bërë kërkesë Gjykatës Themelore në Prishtinë për tërheqjen e urdhër-arrestit ndaj Milan Radoiçiqit, i cili dyshohej për veprën penale “Pjesëmarrja ose organizimi i grupit kriminal të organizuar” për vrasjen e politikanit serb Oliver Ivanoviç dhe Themelorja ia ka aprovuar.
Kjo kërkesë mund të nënkuptojë se Prokuroria nuk e konsideron më të dyshuar Radojçiqin.
Avokati Artan Çerkni, ka treguar për Albanian Post, se në çfarë rastesh Prokuroria bën kërkesa të tilla.
“Meqenëse për të është lëshuar urdhër-arresti dhe në ndërkohë është kërkuar që ai të revokohet, ka gjasa që Prokuroria këtë person nuk e konsideron si të dyshuar për vrasjen e Oliver Ivanoviçit”, shpjegon Çerkini.
Kërkesa e Prokurorisë dhe aprovimi nga Gjykata ka ngjallur reagime të shumta në Kosovë, por çudia është se vetë Radoiçiq dhe as avokati i tij, nuk janë në dijeni fare se diçka e tillë ka ndodhur.
Avokati i tij, Zhivojin Jokanoviç, në një prononcim për Albanian Post, thotë se as ai e as klienti i tij nuk din gjë për këtë zhvillim.
Ata, sipas Jakonvoç-it, askush nuk i ka lajmëruar.
“Deri më tash nuk kam marrë asnjë njoftim, po presim ndoshta vjen sot ose nesër”, tha shkurt Jokanoviç.
Avokati serb, pas konfirmimit se nuk kanë pranuar diçka nga organet e drejtësisë, ka folur përsëri për, siç thotë ai, pafajësinë e klientit që mbron.
Pohon se klienti i tij nuk ka gisht në vrasjen e Ivanoviçit.
“Kemi qenë në kontakt me Radojeçiqin, ai nuk ka informata për këtë vendim të Prokurorisë. Ai më ka thënë se nuk ka lidhje me vrasjen e Ivanoviçit, por është larguar nga Kosova pasi kishte informata se do të likuidohet”.
Ndërkohë, në aktvendim të Gjykatës, thuhet se “pas shqyrtimit dhe analizimit të kërkesës së Prokurorisë Speciale për tërheqjen e urdhër-arrestit ndaj të dyshuarit, konstatohet se kërkesa është e arsyetuar mirë”.
“Nuk ka mundur që i dyshuari të sillet para organeve të drejtësisë, respektivisht në Prokurorinë Speciale, për shkaqe teknike dhe taktike të hetimit më të mirë të veprave penale e që dyshohet se i njëjti është i përfshirë në kryerjen e tyre”, thuhet në aktvendimin e Gjykatë Themelore në Prishtinë.
Por, kryetarja e Lëvizjes Evropiane të Serbëve nga Kosova, Rada Trajkoviç tha për Albanian Post se Radojeçiq ishte i fuqishëm pasi kishte mbështetje të Prishtinës e Bogradit.
“Askush nuk është i rrezikshëm vetë. Por nëse ai ka mbështetjen e institucioneve serbe dhe kosovare me shumë para, atëherë ai është i rrezikshëm”, tha ajo.
Ish-deputetja e Kosovës kërkon që këtë rast ta trajtojë Gjykata Speciale.
“Definitivisht me rastin e Olver Ivanoviçit duhet të merret Gjykata Speciale”, pohon ajo.
Në anën tjetër menaxher i programit për sundim të ligjit dhe anti-korrupsion në organizatën ÇOHU, Genc Nimoni, thekson se “ky revokim i fletarrestimit për Radojeçiq do të arsyetohej nëse ky i fundit do të bashkëpunonte me drejtësinë kosovare”.
“Nëse ky i dyshuar kishte qenë bashkëpunues me drejtësinë e gjithashtu i qasshëm çdo herë për drejtësinë, mund të arsyetohet disi, mirëpo as njëra dhe as tjetra nuk ka qenë evidente në këtë rast”, potencoi Nimoni.
“Marr parasysh lidhjen e tij me politiken, në veçanti edhe me atë të Beogradit, përderisa gjykata dhe organet e drejtësisë nuk tregojnë arsyet për heqjen e këtij letërreshtimi, dyshimi kryesor mbetët se kjo heqje ka ndodhur më shumë për shkaqe politike”.
Nimoni shton se “kjo vazhdon të shpërfaqë tutje gjendjen e brishtë në drejtësi dhe gjithashtu, mungesën e rezultateve në zbardhjen e rasteve të kësaj natyre dhe raste të tjera të shumta në gjykatat e Kosovës”.
Edhe Lëvizja Vetëvendosje ka reaguar lidhur me revokimin e urdhëratësit ndaj Milan Radojçiqit.
Me anë të një komunikate për media, Vetëvendosje kanë thënë se një vendim i tillë i Gjykatës Themelore përbën skandal dhe rrezik, duke thënë se kushdo që ka marrë këtë vendim të papritur, e sheh si larje të borxheve të mëhershme apo kusht për aleancat e reja të nëntokës e parapolitikës.
Më 23 nëntor të vitit të 2018, Policia e Kosovës zhvilloi një operacion të kërkimit në veri të vendit me qëllim të arrestimit të Milan Radoiçiq i cili nuk u gjet në vendqëndrimin e tij ndërsa gjatë këtij operacioni u arrestuan katër persona.
Lideri i Nismës Qytetare “Liri, Demokraci, Drejtësi”, Oliver Ivanoviq, ishte qëlluar për vdekje mëngjesin e 16 janarit të vitit 2018.
Që nga ajo kohë, Prokuroria Speciale e Kosovës ka arritur t’i dëgjojë 40 dëshmitarë dhe t’i identifikoje tre persona që dyshohet se janë të përfshirë në vrasjen e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri serb: Fitorja e Kosovës në KiE s’është më aq e lehtë dhe e thjeshtë
-
Arrestohet një serb në Bërnjak, dyshohet për krime lufte
-
Mesiç: Serbia e madhe s’mund të bëhet, është vetëm një shtet i vogël në Ballkan
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë
Lajmet kryesore
-
Pas gjashtë orësh, përfundon Konventa e Partisë së Lirisë
-
Realizuam procedurën e paraaplikimit në SEPA, thotë ministri Mete
-
Nga Benetton te Metro, kompanitë nga e gjithë Evropa që ende bëjnë biznes në Moskë
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë