Agjenti i Paulo Dybala-s, Jorge Antun, ka mbërritur në Itali dhe pritet të diskutojë për të ardhmen e klientit të tij te Roma, mes thashethemeve për interesim nga Real Madrid-i dhe Manchester United-i.
Sulmuesi argjentinas ka shënuar 14 gola dhe ka dhuruar tetë asistime në 30 paraqitje në të gjitha garat këtë sezon me fanellën e klubit kryeqytetas.
Edhe nëse ai u transferua te Roma vetëm verën e kaluar, e ardhmja e tij në klub është tashmë e pasigurt duke pasur parasysh se ai ka klauzolë të lirimit të kontratës, që e lejon atë të largohet për 12 milionë euro, duke iu bashkuar një klubi jashtë Serie A, ose 20 milionë euro, apo 20 milionë euro për klubet italiane.
“La Gazzetta dello Sport” raporton se agjenti i tij, Jorge Antun, ka mbërritur së fundmi në Itali dhe së shpejti do të takohet me drejtorët e klubeve për të diskutuar të ardhmen e klientit të tij dhe një marrëveshje të re të mundshme për 29-vjeçarin.
🗞️ #Dybala è Settebello: gol e assist senza fine. E con la #ChampionsLeague può restare alla #ASRoma https://t.co/wChhTFCu8l
— Romagiallorossa.it (@Romagialloross4) April 4, 2023
Sipas raportit, e ardhmja e Dybala-s në kryeqytet është e lidhur me atë të Jose Mourinho-s, por edhe me kualifikimin e Romës në Ligën e Kampionëve në këtë sezon.
Roma është e vendosur të mbajë sulmuesin dhe dëshiron të anulojë klauzolat e tij të lirimit, kështu që ata do të takohen së shpejti me përfaqësuesin e lojtarit.
Antun pritet të qëndrojë në Romë deri në javën e ardhshme kur verdhekuqtë do të përballen me Feyenoord-in në çerekfinalen e Ligës së Evropës.
Raportet në Spanjë, të cituara nga La Gazzetta dello Sport”, sugjerojnë se Real Madridi po e vëzhgon nga afër ish- sulmuesin e Juventusit , ndërsa mediat në Mbretërinë e Bashkuar thanë në mars se Manchester United është ndër pretenduesit e mundshëm për La Joya.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
