Ministri për Komunitete dhe Kthim, Nenad Rashiç, për masat që janë vendosur nga Bashkimi Evropian ka thënë se konsideron se të njëjtat janë vendosur ndaj ministrisë që ai e udhëheq dhe se të njëjtat po e pengojnë punën e tij.
Rashiç, i pyetur nga Albanian Post në konferencë për media ka thënë se konsideron se i deleguari special i Bashkimit Evropian për dialogun mes Kosovës dhe Serbisë, Miroslav Lajçak, është duke u sillur në mënyrë “cinike”.
Duke shtuar se “kjo s’është mënyra se si një përfaqësues vepron”.
“Posaçërisht e shoh se masat që janë vendosur nga BE-ja janë vendosur ndaj ministrisë dhe jo ndaj Qeverisë, për një organ i cili po merret pikërisht me të drejtat e komuniteteve”.
“Lajçak, thirret për të drejtat e komuniteteve e bën masa ndaj institucioneve që veprojnë për të drejtat e komuniteteve dhe në atë aspekt kam thënë që është cinike dhe kjo nuk është metoda se si duhet një përfaqësues që të veprojë”, ka thënë ai.
Për përgjimet e publikuara në media ku është i përfshirë zëvendësministri i tij Radoica Radomiroviç-it, i cili dëgjohet duke thënë se “i deleguari special i Bashkimit Evropian për dialogun mes Kosovës dhe Serbisë, Miroslav Lajçak, merr pagë nga Serbia”, ka thënë se janë të montuara.
Rashiç, supozon se incizimi i publikuar është bërë me tendenca.
“Nuk konsideroj që është relevante me një incizim që sipas meje është i montuar dhe është prerë disa herë dhe i cili është bërë me një tendencë të njerëzve që vërtetë nuk e dëshirojnë zhvillimin institucional të Kosovës në Veri”, ka thënë ai.
Prandaj ka shtuar se, “nuk do të marrë ndonjë masë”.
“Unë kam biseduar me zëvendësministrin tim dhe kemi konstatuar që audio incizimi ka qenë i montuar”.
Konferenca e Rashiçit, është thirrur për vendimin e Bankës Qendrore të Kosovës (BQK), e cila ndalon përdorimin e dinarit në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Xi Jinping vlerëson lidhjet me Francën ndërsa Macron përgatitet të flasë për tregtinë
-
Gratë mund të jetojnë më gjatë, por burrat kanë një jetë më cilësore
-
Izraeli nuk do të dorëzohet ndaj kërkesës së Hamasit për t’i dhënë fund luftës, thotë Netanyahu
-
Serwer e cilëson “marrëzi” kërkesën e ndërkombëtarëve që Kurti të kryejë “vetëvrasje politike” për Asociacionin
Lajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Serwer e cilëson “marrëzi” kërkesën e ndërkombëtarëve që Kurti të kryejë “vetëvrasje politike” për Asociacionin