Ralf Rangnick thuhet se është shfaqur si kandidat për postin e trajnerit të Bayern-it.
“Kicker” raporton se trajneri i Austrisë, Rangnick, është alternativa e parë e Bayern Munich në kërkimin e tyre për një trajner të ri nëse nuk arrihet te Xabi Alonso.
Rangnick ka një marrëdhënie të ngushtë me drejtorin sportiv të Bayern-it, Christoph Freund, të cilin e njeh nga koha e tyre së bashku te RB Salzburg.
Megjithatë, është e paqartë nëse Rangnick do të ishte i disponueshëm për të marrë detyrën pas Euro 2024 me Austrinë.
“Sky Germany” dhe “Bild” kanë emëruar më parë menaxherin e Brighton, Roberto de Zerbi, si një alternativë për Xabi Alonso, nëse Bayern nuk arrin ta transferojë spanjollin nga Bayer Leverkusen.
Sipas “Kicker”, anëtari i bordit sportiv të Bayern-it, Max Eberl, e sheh veçanërisht De Zerbi-n si një opsion, por ka dyshime për trajnerin italian brenda hierarkisë së lartë të klubit.
Raporti më tej pretendon se Antonio Conte, Jose Mourinho, Zinedine Zidane dhe Julian Nagelsmann nuk janë duke u konsideruar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
