Kryetari i Listës Serbe, Goran Rakiç, ka thënë se ardhja e kryeministres serbe Ana Bërnabiç në Kosovë do të thotë shumë dhe se ka të bëjë me të gjitha segmentet e jetës, përfshirë edhe politikën.
“Do të thotë se ne jemi për paqen dhe stabilitetin”, tha Rakiç për RTS dhe shtoi se Bërnabiç është më e përfshirë në problemet e popullit serb dhe se ai do t’i kërkojë asaj të vazhdojë luftën për paqen dhe stabilitetin dhe për të vazhduar investimin në këtë hapësirë.
Sa i përket targave, Rakiç thotë se për kartat e identitetit është gjetur një zgjidhje kompromisi dhe se e njëjta zgjidhje duhet edhe për targat.
“Për targat duhet edhe një kompromis, jo kërcënim për konfiskimin e automjetit. Njerëzit tanë e dinë shumë mirë kujt duhet t’i besojnë Prishtinës apo Beogradit”, tha ai.
I pyetur se pse kryeministrja do të vizitojë fillimisht qendrën multimediale në Mitrovicën e Veriut gjatë vizitës së saj, ai thotë se qendra është një ndërthurje e së kaluarës dhe së ardhmes.
“Kjo qendër multimediale është një projekt i suksesshëm i Serbisë në të cilin studentët fitojnë njohuri në kushte të shkëlqyera”, shtoi ai.
Ndryshe gjatë ditës së premte e ashtuquajtura “Zyrë për Kosovën” në Qeverinë e Serbisë pati paralajmëruar se Bërnabiç, pritet të realizojë një vizitë zyrtare në Kosovë, më saktësisht në tre komunat veriore të banuara me serb.
Kërkesa e Bërnabiç është aprovuar nga Ministria e Punëve të Jashtme të Kosovës.
Bërnabiç, gjatë vizitës së saj në Mitrovicën e Veriut, Zveçanin dhe Leposaviçin, do të jetë e shoqëruar me të ashtuquajturin drejtorin e “Zyrës për Kosovën” në Qeverinë e Serbisë, Petar Petkoviç.
“Kryeministrja do të vizitojë të hënën Mitrovicën e Veriut, ku do të takohet me qendrën multimedia në pjesën veriore të Kosovës dhe Akademinë Shpirtërore. Pas kësaj ajo do të vizitojë Manastirin Banjska në komunën e Zveçanit. Në komunën e Leposaviçit, Kryeministrja do të vizitojë familjet në nevojë” thuhet në njoftim.
Njoftimi më tej bënë të ditur se lajmërimi i vizitës së kryeministres serbe në Kosovës, është bërë të enjten më 1 shtator, 72 orë para vizitës, siç parashihet me Marrëveshjen për Vizita Zyrtare.
“Vizita e Bërnabiç, në Kosovë ka për qëllim të përcjellë mesazhe për ruajtjen e paqes dhe stabilitetit” thuhej më tej në komunikatë.
Për Albin Kurti, kryeministrin e Kosovës, nuk është problem që kryeministrja e Serbisë, Ana Bërnabiç, do ta vizitojë komunat veriore të Kosovës të hënën.
Përkundrazi sipas tij, ajo me vizitën e saj në komunat e banuara me shumicë serbe në Kosovës, do të shohë se sa mirë po funksionon shtetit.
“Edhe Bërnabiç le të hyjë në Kosovë me letërnjoftimin e lëshuar nga Beogradi dhe le ta shohin se gjithçka po funksionon, si në një shtet demokratik, i cili është edhe më demokratik se Serbia gjithsesi, madje edhe më i pavarur se Serbia”, ka thënë Kurti në një konferencë për media.
Kurti: Bërnabiç po vjen në Kosovë, pasi e kuptoj që Bislimi e Nagavci po udhëtojnë për në Serbi
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Perez shpreh drojën se Hungaria mund të votojë kundër Kosovës në çdo organizatë ndërkombëtare
-
Jasharaj thotë se Kurti “urdhëroi” Nagavcin mos t’i takojë sindikatat
-
Kosova në Këshill të Evropës dhe Rezoluta e OKB-së për Srebrenicën – Vukotiç: Përgjigje e Perëndimit ndaj mashtrimeve të Vuçiçit
-
Haxhiu: Anëtarësimi i Kosovës në Këshillin e Evropës hapë rrugë për adresimin e krimeve të luftës