Qindra protestues irakianë mësynë parlamentin e Bagdad-it të mërkurën e 27 korrikut.
Kjo duke brohoritur kore kundër Iran-it, në një protestë kundër zgjedhjes së një kandidati për kryeministër nga partitë e mbështetura nga Teheran-i.
Lajmi u bë i ditur nga e përditshmja amerikane “The Washington Post”.
Shumë protestues ishin ndjekës të një kleriku me ndikim.
Disa u panë duke ecur mbi tavolina dhe duke valëvitur flamujt irakianë.
Asnjë ligjvënës nuk ishte i pranishëm.
Vetëm forcat e sigurisë ishin brenda ndërtesës dhe i lejuan protestuesit të hynin me lehtësi.
Mësymja erdhi në mes të protestës më të madhe që nga zgjedhjet në Irak që u mbajtën në tetor.
Demonstruesit po protestonin kundër emërimit të fundit të Mohammed al-Sudani.
Ai është kandidati zyrtar i një koalicioni të udhëhequr nga partitë shiite të mbështetura nga Irani dhe aleatët e tyre.
Kryeministri në detyrë Mustafa al-Kadhimi bëri thirrje për qetësi, përmbajtje dhe kërkoi që protestuesit të “tërhiqen menjëherë” nga zona.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
