Pas dyshimit që zëvendësdrejtori i gjimnazit “Hamdi Berisha” në Malishevë, ka sulmuar seksualisht një nxënëse të shkollës, nxënësit e këtij gjimnazi kanë protestuar brenda objektit të shkollës.
Ky rast po dyshohet se ka ndodhur më 16 dhjetor, por që rasti në Polici është raportuar nga babai i vajzës më 20 dhjetor.
Këtë e ka konfirmuar edhe zëdhënësi për rajonin e Gjakovës, Nysret Gjurkaj.
“Në Stacionin policor Malishevë me date 20.12.2021 rreth orës 21:30 është paraqitur ankuesi dhe ka raportuar një rast te Sulmit Seksual qe kishte ndodhur ndaj vajzës së tij të mitur”, deklaroi Gjurkaj.
Tutje, ai ka sqaruar edhe vendin se ku dyshohet se ka ndodhur ngjarja.
“Ngacmimi seksual dyshohet te jete bërë nga ana e personit cili ne ketë shkolle mban pozitën e zëvendës drejtorit. Ngjarja sipas ankuesit kishte ndodhur ne njërën prej banjove te kësaj shkolle kur viktima ishte brenda ne toilet dhe aty kishte hyrë edhe I dyshuari dhe e kishte ngacmuar seksualisht viktimën”.
Ndërkaq, ka thënë se është intervistuar viktima dhe i dyshuari si dhe disa dëshmitar.
“Hetimet janë ne fazën e grumbullimit te provave te tjera dhe për zhvillime te me tejme ju njoftojmë me raport shtese. Me vendim te prokurorit i dyshuari ndalet ne mbajtje për 48 ore”.
Ndërsa, edhe Prokuroria Themelore e Gjakovës të martën ka kërkuar caktimin e masës së paraburgimit për të dyshuarin.
“Prokuroria Themelore në Gjakovë, Departamenti për Krime të Rënda, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit A.K, për shkak të dyshimit të bazuar se ka kryer veprën penale “Sulm seksual”.
“Sipas kërkesës, rasti ka ndodhur më 16 dhjetor 2021, në gjimnazin “Hamdi Berisha”, në Malishevë, ndërsa Prokurori i Shtetit ndaj të pandehurit ka kërkuar masën e paraburgimit në afat prej 30 ditësh, dhe i njëjti me urdhër të prokurorit gjendet në ndalim nga data 20 dhjetor 2021”, thuhet në njoftimin e Prokurorisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Katër gazetare padisin BBC-në: Ishim subjekt i diskriminimit në bazë të gjinisë dhe moshës
-
Lejuan ndërtimin pa leje, arrestohen dy inspektorë në Kukës
-
Armëmbajtja pa leje po goditet çdo ditë, thotë Balla
-
“Sqarova para prokurorit pastërtinë e plotë timen në gjithë këtë proces”, Durmishi pas intervistimit
Lajmet kryesore
-
KSHZ: Dalja në zgjedhje presidenciale është 12.87 për qind, në zgjedhjet parlamentare 13.69 për qind
-
Emerging Europe: Përpos sfidave, ekonomia e Shqipërisë zë një vend të mirë
-
Brenda ekstremit të djathtë të Gjermanisë
-
Kurti e cilëson “absurde” kërkesën e Francës dhe Gjermanisë për dërgimin e draftstatutit të Asociacionit në Kushtetuese para anëtarësimit në KiE