“Sqarova para prokurorit pastërtinë e plotë timen në gjithë këtë proces”, Durmishi pas intervistimit
“Sqarova para prokurorit pastërtinë e plotë timen në gjithë këtë proces”.
Kështu ka thënë pas intervistimit në Prokurorinë Speciale, zëvendësministri i Ministrisë së Mjedisit, Planifikimit Hapësinor dhe Infrastrukturës, Hysen Durmishi, i cili është intervistuar në cilësinë e të dyshuarit për rastin e projektit të ndërtimit të rrugës Prishtinë-Podujevë.
“Kryesisht, kjo është fazë fillestare dhe pyetjet e prokurorit ishin pyetje sqaruese të cilat unë i sqarova pothuajse të gjitha pyetjet që i kishte prokurori për ta dëshmuar se procesi për rrugën Prishtinë-Podujevë ka qenë një proces i rregullt dhe se atje po zhvillohen punimet me dinamikën të cilën e kemi planifikuar”, tha Durmishi para gazetarëve.
“Ka vendime edhe të OShP-së për këtë çështje të cilat janë publike dhe që dëshmojnë pastërtinë tonë në gjithë këtë proces”, shtoi ai.
Në gusht të vitit të shkuar, konsorciumi i organizatave të shoqërisë civile “CorrWatch” pati evidentuar varg shkeljesh në tenderin për rrugën Prishtinë-Podujevë.
Durmishi i ka nënshkruar kontratat për tenderin për rrugën Prishtinë – Podujevë, duke pasur ankesë aktive në Organin Shqyrtues të Prokurimit (OSHP), institucion i pavarur administrativ, i cili merret me ankesat e kompanive që aplikojnë për tenderët e institucioneve publike.
E vlera totale e kontratave të nënshkruara nga zëvendësministri Durmishi është 35 milionë euro, ndërsa njërën pjesë të këtij tenderi në vlerë mbi 8 milionë euro e ka fituar kompania ‘Bageri’, pronarin e së cilës zëvendësministri i Kosovës e ka konfirmuar vetë se e ka shok.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ambicia e Kosovës për t’u bërë pjesë e Konferencës Evropiane të Gjykatave Kushtetuese shtyhet për vitin e ardhshëm
-
Dëshmitari i 69-të dëshmon në seancë të mbyllur në Speciale
-
Deputeti i PDK-së: Mirë që Radojiçiç me grupin e tij u lanë të largoheshin nga Banja
-
LVV-ja pretendon se “pamja sot është krejt ndryshe” në Zveçan, në njëvjetorin e trazirave në veri të Kosovës
Lajmet kryesore
-
Dosja Gërdeci, ekspertët e thirrur për dëshmi kërkojnë të mos jenë pjesë e procesit
-
Goditja e grupit italiano-shqiptar në Firenze: Si pastroheshin paratë në perandorinë e restoranteve
-
Marrëveshja Macron-Scholz: Ukraina duhet të jetë në gjendje të sulmojë bazat në Rusi
-
KFOR-i nderon ushtarët që u plagosën vitin e kaluar nga huliganët serbë në Zveçan