Shërbimet zjarrfikëse polake po kontrollojnë gjendjen e strehimoreve të bombave të vendit dhe po përpilojnë një inventar.
Lajmi u bë i ditur nga agjencia “Reuters”, duke cituar një zëvendës ministër polak.
Polonia, anëtare e NATO-s, ka siguruar qytetarët se vendi i saj në aleancë garanton sigurinë e tyre nga sulmi rus.
Por, ngjarjet në Ukrainën fqinje kanë sjellë në fokus nevojën për t’u përgatitur për mundësinë e një sulmi raketor.
“Ne kemi 62 mijë objekte të tilla në të gjithë vendin”, u shpreh zëvendës ministri i Brendshëm Maciej Wasik për transmetuesin privat Polsat News.
Sipas tij, zjarrfikësit po kontrollojnë gjendjen e tyre, nëse janë të pajisur dhe nëse janë të përshtatshëm për përdorim.
“Nëse jo, ne do të ndërmarrim hapa për t’i përshtatur ato”, shtoi zyrtari polak.
Wasik tha se Polonia nuk ishte nën kërcënim, por po përgatitej për skenarin më të keq.
“Këto janë aktivitete rutinë”, nënvizoi ai. “Ky aksion ishte planifikuar kohë më parë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Me ardhjen e Qeverisë Kurti ndryshoi qasja e Kosovës ndaj dialogut për një marrëveshje përfundimtare, thotë Lajçak
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Rama konfirmon vizitën në Athinë më 12 maj
-
Pashkët Ortodokse sjellin fluks në pikat kufitare, dhjetëra mijëra kalime në 24 orë drejt Greqisë