Trajneri Mauricio Pochettino do të largohet nga Paris St-Germain pas bisedimeve me klubin në fund të javës së kaluar.
PSG ende se ka bërë zyrtare këtë njoftim, por raportet thonë se ish-menaxheri i Tottenham, nuk do të kryejë vitin e fundit të kontratës së tij.
Zinedine Zidane, Jose Mourinho dhe trajneri i Nice, Christophe Galtier janë ndër ata që lidhen me zëvendësimin e Pochettino-s.
PSG rifitoi titullin francez sezonin e kaluar, por argjentinasi nuk arriti t’i udhëheqë ata përtej 1/16 të Ligës së Kampionëve.
Edhe pse ata u mundën nga fituesi eventual Real Madrid, PSG mbajti një avantazh të përgjithshëm 2-0 me më pak se gjysmë ore të mbetur në ndeshjen e tyre të dytë.
Pochettino pretendoi trofetë e parë të karrierës së tij menaxheriale me PSG – Kupën e Francës 2021 dhe titullin e Ligue 1 2022 – por hierarkia e klubit mendoi se ishte minimumi që ai duhej të arrinte duke pasur parasysh skuadrën që kishte në dispozicion.
Ish-menaxheri i Spurs u konsiderua një zëvendësues i mundshëm i Ole Gunnar Solskjaer në Manchester United përpara se ata të emëronin trajnerin e përkohshëm Ralf Rangnick dhe më pas pasardhësin e përhershëm të Solskjaer, Erik ten Hag.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
