Pavarësisht sa vuajti në përballjen me Spanjën, Italia kaloi më tej, duke u bërë finalistja e parë e Euro 2020. Skuadra e Roberto Mancini-t do të luajë në finale me fituesen e çiftit Angli – Danimarkë.
Ndeshja mes Italisë dhe Spanjës në gjysmëfinalen e Euro 2020 ka qenë nga më të ndjekurat në historinë e Kombëtares italiane.
Sipas vlerësimeve të Rai1, ndeshja u ndoq nga 17.4 milionë njerëz. Pjesën e parë e ndoqën 17.1 milionë, pjesën e dytë 17.8 milionë, kohën shtesë 17.239 milionë dhe penalltitë 17.353 milionë.
Ndërsa, në valët e Sky ndeshja u ndoq nga 2.4 milionë njerëz, çka e çon shifrën totale në 19.8 milionë teleshikues.
Ndeshja që mban rekordin e audiencës televizive për Kombëtaren italiane është ajo me Gjermaninë, ne gjysmëfinalen e Euro 2012, me mbi 20 milionë teleshikues. Po e njëjtja përballje në Euro 2016, arriti të mbante përpara ekranit 19.6 milionë teleshikues.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen