Në fund të vizitës së tij në Beograd, i dërguari special i Mbretërisë së Bashkuar për Ballkanin Perëndimor, Stuart Peach, tha se u kishte thënë liderëve në Serbi se Britania e Madhe mbështet dialogun ndërmjet Beogradit dhe Prishtinës që çon në Bashkimin Evropian.
“Emërimi im është një shenjë e përkushtimit tonë për një të ardhme të sigurt, të qëndrueshme dhe të begatë të këtij rajoni të rëndësishëm”, tha Peach përmes një videomesazhi në Twitter.
Ai potencoi se ka takuar liderët shtetërorë të shtetit të Serbisë gjatë vizitës në këtë vend me të cilwt ka folur për rajonin dhe sfidat më të gjera të sigurisë ndërkombëtare.
“Folëm për përparimin e Serbisë në programet e saj të modernizimit dhe reformës, programe që Mbretëria e Bashkuar mbështet përmes fondit tonë për qeverisje të mirë dhe me ndihmën e Këshillit Britanik”.
“Në prag të zgjedhjeve të ardhshme në Serbi, ne diskutuam rëndësinë e proceseve dhe institucioneve të shëndetshme demokratike, një skenë të larmishme të pavarur mediatike, qeverisje të mirë dhe sundim të ligjit”, shtoi ai.
Peach pohoi se ka diskutuar edhe për stabilitetin rajonal me krerët e shtetit serb.
“Unë ndava gjithashtu përshtypjet e mia nga vizita në rajon, duke përfshirë BiH, duke theksuar rrezikun e kërcënimit të paraqitur nga fjalët dhe veprat që shkaktojnë ndarje midis komuniteteve”.
Ai theksoi se Serbia dhe rajoni i Ballkanit Perëndimor kanë potencial të madh dhe se Britania në bashkëpunim me komunitetin e gjerë ndërkombëtar, dëshiron të ndihmojë në ndërtimin e stabilitetit dhe prosperitetit të qëndrueshëm që qytetarët kanë nevojë dhe meritojnë si anëtarë të vlerësuar dhe të rëndësishëm të familjes më të gjerë evropiane.
Fillimisht ai do të takohet paraditen e së enjtes së 10 dhjetorit me presidenten e Kosovës, Vjosa Osmani në ora 11:00 merr vesh Albanian Post.
Arritjen e Peach në Prishtinë e ka konfirmuar edhe ambasada britanike, teksa kanë pohuar takimet e emisarit Peach me krerët e shtetit dhe të opozitës në Kosovë.
Ser Stjuart Pič, specijalni izaslanik premijera 🇬🇧 za Zapadni Balkan, bio je u prvoj zvaničnoj poseti 🇷🇸, tokom koje se sreo sa @predsednikrs, @SerbianPM, drugim visokim zvaničnicima, patrijarhom SPC, predstavnicima opozicije, nevladinog sektora i medija. pic.twitter.com/630mNFsmz1
— UK in Serbia (@ukinserbia) February 9, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-piloti i Marinës amerikane i arrestuar në Australi ka punuar me hakerët kinezë, thotë avokati
-
Hetimi ndaj Trump | Johnson: Do ta mbajmë përgjegjës Smithin për abuzimet
-
Vdes njeriu që kishte transplantuar për herë të parë veshkën e derrit
-
Zimmerman: Kosova mund të pranohet në Këshillin e Evropës si anëtare e asociuar
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar