Pas disa javësh protesta të mëdha, qeveria serbe i ka dhënë fund planifikimit të një miniere të litiumit në Serbi. Protestuesit ende duan të kërkojnë një ndalim të plotë të këtyre minierave.
Kryeministrja e Serbisë, Ana Brnabiç ka njoftuar të enjten seka anuluar planin për lejimin e ndërtimit të një miniere të lithiumit ngagjiganti i minierave Rio Tinto.
Vendimi shënon një kthesë për qeverinë pas protestave për disa javë, që nxorën mijëra njerëz në rrugë.
“Ne i kemi përmbushur të gjitha kërkesat nga protestat mjedisore dhe i kemi dhënë fund Rio Tintos në Republikën e Serbisë”, tha Brnabiç për mediet serbe.
Pse protestonin njerëzit?
Protestuesit mjedisorë prej muajsh kërkojnë përfundimin e planit. Ata bënë bujë duke bllokuar rrugët kryesore, duke ndalur trafikun në kryeqytet dhe rajone të tjera.
Protestuesit ishin të shqetësuar për sasinë e ndotjes që do të krijonte miniera. Serbia është tashmë një nga vendet më të ndotura në Evropë dhe do të duhet të shpenzojë miliarda për të arritur objektivat e vendosura nga BE për pranimin e mundshëm në bllok.
Por aktivistët u zotuan të vazhdojnë protestat e tyre derisa qeveria të ndalojë tërësisht minierat e litiumit – si dhe boratit.
“Vetëm një hap më shumë! Jemi afër,” shkroi në Twitter kreu i protestës Savo Manjlovic pas njoftimit të kryeministrit.
Qeveria është në pritje të zgjedhjeve të ardhshme
Ndryshimi i mendimit të qeverisë vjen përpara zgjedhjeve në prill. Partia Progresive Serbe (SNS) në pushtet kishte mbështetur fillimisht zhvillimin e minierave në Serbi, por partia ka parë rënie të mbështetjes së saj.
Ylli serb i tenisit Novak Gjokoviç foli gjithashtu në favor të “ajrit të pastër” në dhjetor, duke treguar mbështetjen e tij për protestat.
Brnabiç kishte thënë më herët gjatë muajit, se fati i minierës do të vendosej pas zgjedhjeve, përpara se të ndryshonte mendje.
“Ne po dëgjojmë njerëzit tanë dhe është detyra jonë të mbrojmë interesat e tyre edhe kur mendojmë ndryshe,” tha ajo të enjten.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçiç: Shanset e Kosovës për anëtarësim në KiE janë të mëdha
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
5 njësi të Ushtrisë Izraelite përgjegjëse për shkelje të rënda të të drejtave të njeriut, thonë SHBA-të
-
Në prag të zgjedhjeve: Cilat janë grupimet evropiane
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës