Pas 20-vjetësh, Christina Aguilera paralajmëron këngën e re në gjuhën spanjolle

Pop këngëtarja, Christina Aguilera, ka promovuar këngën e re në gjuhën spanjolle “Santo”, duke e publikuar një fotografi në mediat sociale.

41-vjeçarja mahniti ndjekësit e saj me një imazh të mrekullueshëm të profilit, duke u veshur me një set rrobash ngjyrë të kuqe dhe material lëkure.

Duke i përshtatur flokët me veshjen e saj, Christina kishte stiluar ato me një sërë gërshetash të kuqe, dy prej të cilave ishin ngjitur në mënyrë të ndërlikuar në ballin e saj së bashku me zbukurimet me kristal të kuq.

Duke e bërë foton me të vërtetë pop, këngëtarja kishte grimosur sytë e saj me ngjyrë jeshile, që bënte një kontrast të bukur me sytë e saj blu të mprehtë dhe i mbuloi buzët me astarin e saj dramatik të buzëve.

Fansat u mahnitën nga fotografia që binte në sy, ku njëri u përgjigj: “Më vjen mirë që jetova për ta parë këtë”, teksa një tjetër u shpreh duke shkruar – “Ti dukesh kaq e mrekullueshme, perëndeshë”.

Gjithsesi, javën e kaluar, Christina ndau një tjetër imazh të saj të ndezur me një veshje të ngjashme, ndërsa zbuloi se singulli i saj i ardhshëm – i marrë nga albumi i saj i parë në gjuhën spanjolle në 20 vjet – do të publikohet më 20 janar.

Ajo kishte postuar edhe një imazh me bashkëpunëtorin e saj, Ozuna, i cili u përshtat me të me një veshje nga materiali lëkurë me ngjyrë të kuqe.

“Santo” do të jetë pjesë e EP-së së saj në gjuhën spanjolle, “La Fuerza”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.