Policia franceze kundër terrorizmit ka qëlluar një grua e cila thuhet se po kërcënonte kalimtarët në jug të Parisit.
Lajmi u bë i ditur nga multimediali britanik “BBC”.
Një burim policor i tha botimit britanik se ata ndërhynë në stacionin e trenit “Bibliothèque François-Mitterrand” të martën pasi u alarmuan nga pasagjerët.
Gruaja, që thuhet se mbante një hixhab, thuhet se kërcënoi të hidhte veten në erë.
Kur ajo refuzoi të zbatonte urdhrat e policisë, ata hapën zjarr, raporton “BBC” duke cituar burimin.
Gruaja thuhet se u dëgjua duke bërtitur “Allahu Akbar”, ose “Zoti është më i madhi”.
Sipas multimedialit, ajo është në gjendje kritike, por të qëndrueshme pasi u qëllua në bark.
Incidenti vjen në mes të tensionit të rritur në Francë të shkaktuar nga lufta Izrael-Hamas.
Në fillim të këtij muaji, një mësues u vra dhe dy persona u plagosën rëndë në një shkollë në Francën veriore nga një sulmues i cili thuhet se bërtiti “Allahu Akbar”.
Pas incidentit, Franca ngriti alarmin e saj të sigurisë kundër terrorizmit në nivelin më të lartë.
Rajoni i Parisit është tronditur gjithashtu nga një valë incidentesh anti-semitiste ditët e fundit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”