Palmer në Sarajevë – “Federata e Bosnjës dhe Hercegovinës duhet të jetë e balansuar me Republika Srpska-n”
“Për të fuqizuar kornizën institucionale të BeH-së, është e domosdoshme të bëhet Reforma Zgjedhore. Institucionet e forta dhe funksionale janë gjëja më e rëndësishme që BeH të del nga kriza politike e tanishme”.
Kështu deklaroi i dërguari i Shteteve të Bashkuara të Amerikës për Reformën Zgjedhore në Bosnje dhe Hercegovinë, Matthew Palmer, pas takimit me anëtarët e kolegjiumit të të dyja dhomave të Kuvendit Parlamnetar të BeH-së.
Ai u shpreh se është e rëndësishme që Federata e Bosnjës dhe Hercegovinës (FBeH) të jetë e balansuar me entitetin serb të Republika Srpska-s (RS) në Bosnje dhe Hercegovinë (BeH).
Palmer tha se “nuk është mjet dytësor arritja e një marrëveshje për reformën zgjedhore dhe ndryshimet e kufizuara kushtetuese”.
Ai tha se është e rëndësishme që qytetarët e BeH-së të kenë mundësinë të konkurrojnë në një garë të barabartë në terme të poizicioneve të niveleve të ndryshme.
Diplomati amerikan thotë se perspektiva evropiane e BeH duhet të jetë në linjë me kornizën e Dejtonit për tri popujt konstituentë; dhe zonën e Bërçko-s.
“E treta, është e rëndësishme që institucionet e Federatës të jenë funksionale. Çfarë është gjithashtu e rëndësishme është që FBeH të jetë në ekuilibër me Republika Srpska-n, që do të bënte një sistem funksional të Dejtonit”, u shpreh ai, transmeton ‘Radio Sarajeva’.
Ai theksoi se “është e rëndësishme që të drejtat e popujve përbërës të pasqyrohen në kuadrin institucional”.
Palmer bëri të ditur se “ne mund të jemi ndërmjetësues në bisedime, por u mbetet partive politike ta kuptojnë këtë dhe të arrijnë kompromise”.
“E gjithë kjo mund të arrihet, por nuk është e lehtë. Dhe ka mbetur shumë pak kohë. Është e rëndësishme të vazhdohet me planifikimin e zgjedhjeve në vjeshtë dhe nëse bëhen ndryshime në sistemin zgjedhor, ato duhet të jenë të paktën gjashtë muaj. më parë”, përfundoi Palmer.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria po e trajton si armike shtresën e mesme, sipas Bashës
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Nëse Trump fiton, do të kërkojë angazhim me 3% të PBB-së për vendet e NATO-s
-
Regresi i Kosovës në lirinë e medias, Tahiri: S’do të kalohet pa llogaridhënie në Kuvend
Lajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Nëse Trump fiton, do të kërkojë angazhim me 3% të PBB-së për vendet e NATO-s
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak