Osmani takohet me ambasadorin amerikan – diskutojnë për sulmin rus në Ukrainë

Presidentja e Kosovës, Vjosa Osmani, është takuar me ambasadorin e Shteteve të Bashkuara të Amerikës në Kosovë, Jeff Hovenier, ku kanë biseduar për luftën në Ukrainë.

Këtë e ka bërë të ditur Osmani përmes një postimi në rrjetin social ‘Twitter’ .

“Jam takuar me ambasadorin amerikan në Kosovë për të diskutuar zhvillimet pas agresionit të paprovokuar të Rusisë kundër Ukrainës dhe ndikimit rajonal të tij. Ne dënojmë fuqishëm agresionin e Rusisë dhe jemi plotësisht të rreshtuar me aleatët për të parandaluar çdo destabilizim të rajonit tonë. Ne qëndrojmë me Ukrainën”, ka shkruar Osmani në Twitter.

Met with @USAmbKosovo to discuss developments following Russia’s unprovoked aggression against Ukraine, and the regional impact.

We strongly condemn Russia’s aggression & are fully aligned with allies to prevent any destabilization in our region.

We #StandswithUkraine 🇺🇦 pic.twitter.com/9ucajeJwpL

— Vjosa Osmani (@VjosaOsmaniPRKS) February 24, 2022

Edhe Hovenier, gjithashtu ka njoftuar për takimin ai ka thënë se SHBA-ja dhe Kosova janë bashkë dhe përkrahin plotësisht Ukrainën.

“Një bisedë të rëndësishme me Vjosa Osmanin sot në lidhje me sulmin e paprovokuar të Rusisë dhe pushtimin masiv të Ukrainës, të cilin e dënojmë në mënyrën më të fortë të mundshme. Kosova dhe SHBA-ja përkrahin plotësisht dhe qëndrojnë me Ukrainën”, ka shkruar Hovenier.

Të enjten e 24 shkurtit, Rusia ka nisur pushtimin e Ukrainës, duke bombarduar disa qytete, ndërsa i është afruar rajonit të kryeqendrës ukrainase Kiev.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.