Qëndrueshmëria, jetëgjatësia dhe suksesi i veprimeve si ai i policisë së Kosovës në Veri këtë të premte varen njëkohësisht edhe nga koordinimi me aleatët që ishin dhe mbeten garantues të sovranitetit dhe pavarësisë sonë ka shkruar në llogarinë e saj në Facebook, presidentja e Kosovës, Vjosa Osmani.
Ajo, në një status të shkurtër në llogarinë e saj në Facebook, është treguar e paqartë kur edhe e ka quajtur legjitim aksionin, por në anën tjetër ka kërkuar koordinim me ndërkombëtarët, të cilët e kritikuan ashpër atë që ndodhi në Veri.
Megjithatë, Osmani shkruan se “veprimet e Policisë së Kosovës ndaj strukturave ilegale e bandave kriminale të Vuçiç-it janë legjitime, në realizim të detyrave të tyre kushtetuese dhe në mbrojtje të të gjithë qytetarëve, pa dallim”.
Presidentja ka cituar edhe Kushtetutën e Kosovës, për të deklaruar se “sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm, ndaj mbrohet me të gjitha mjetet e përcaktuara me Kushtetutë dhe me ligj”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
‘Evropa mund të vdesë’ – Cilat janë propozimet e Macron për ta shpëtuar?
-
Edhe Britania e do Asociacionin sa më shpejt që të jetë e mundur
