Presidentja e Kosovës, Vjosa Osmani në kuadër të Procesit Brdo-Brione që po mbahet në Shkup është takuar me presidenti i Maqedonisë së Veriut, Stevo Pendarovski me të cilin ka biseduar për stabilitetin në rajon dhe të ardhmen tonë euroatlantike.
Takimin e ka bërë të ditur Osmani përmes një shkrimi në rrjetin social ‘X’.
“Gjatë takimit të liderëve të Procesit Bërdo-Brijuni në Shkup, takova Presidentin. Së bashku diskutuam rëndësinë e bashkëpunimit në rritje që synon promovimin e paqes dhe stabilitetit në rajon dhe të ardhmen tonë euroatlantike”, ka shkruar ajo.
During the Brdo-Brijuni Process leaders' meeting in Skopje, I met President @SPendarovski.
Together we discussed the importance of growing cooperation aimed at promoting peace and stability in the region and our Euro-Atlantic future. 🇽🇰🇲🇰 pic.twitter.com/uoupD3MRze
— Vjosa Osmani (@VjosaOsmaniPRKS) September 11, 2023
Liderët e vendeve të Ballkanit Perëndimor këtë të hëne, në kuadër të procesit të Brdo-Brione, janë mbledhur në kryeqytetin e Maqedonisë së Veriut, Shkup.
Nikoqir i këtij takimi do të jetë Presidenti i Maqedonisë së Veriut, Stevo Pendarovksi.
Bashkëpritës janë Presidenti i Kroacisë, Zoran Milanoviç, dhe ajo e Sllovenisë Natasha Pirc-Musar.
Pjesëmarrjen në këtë proces të Brdo-Brione, e kanë konfirmuar edhe Presidenti i Shqipërisë, Bajram Begaj, kreu i Serbisë, Aleksandër Vuçiç, e Presidenti i Malit të Zi, Jakov Milatoviç.
Po ashtu, në Shkup do të shkojnë edhe tre anëtarët e presidencës së Bosnje e Hercegovinës, Denis Beçiroviç nga entiteti boshnjak, Zeljko Komshiç i etnitetit kroat, dhe Zeljka Cvijanoviç i atij serb.
Në fokus të takimit të liderëve të vendeve ballkanike në procesin e Brdo-Brione, këtë vit do të jetë integrimi evropian, ndryshimet klimatike dhe emigracioni i të rinjve.
Në prag të procesit, të dielën ka pasur një takim përgatitorë në mes të presidentëve të rajonit.
Qëllimi kryesor i këtij procesi është integrimi i plotë i vendeve të rajonit në Bashkimin Evropian, stabilizimi i situatës në Ballkanin Perëndimor duke forcuar bashkëpunimin rajonal dhe zgjidhjen e çështjeve të hapura.
Samiti i Brdo-Brione ka filluar që nga viti 2013.
Ishte iniciuar nga presidenti i atëhershëm i Sllovenisë, Borut Pahor, dhe ai i Kroacisë, Ivo Josipoviç.
Ky takim i liderëve të Ballkanit Perëndimor në Shkup, vjen në prag të atij të nivelit të lartë që pritet të mbahet më 14 shtator, në kuadër të dialogut Kosovë-Serbi.
Albin Kurti dhe Aleksandër Vuçiç, me ndërmjetësimin e Bashkimit Evropian do të takohen në Bruksel.
Zyrtarët e BE-së dhe të Shteteve të Bashkuara të Amerikës, pas pushimeve të verës, kanë filluar përpjekjet e tyre më të fuqishme për të arritur ndonjë zgjidhje të problemit në mes të Kosovës dhe Serbisë.
Dy vendet fqinje ishin dakorduar për Marrëveshjen Bazë, e cila parashihte të normalizonte marrëdhëniet mes tyre, fillimisht në Bruksel më 27 shkurt, dhe më pas në Ohër të Maqedonisë së Veriut për planin e zbatimit.
Mirëpo, ngjarjet e krijuara në Veriun e Kosovës që nga 26 maji, e kanë lënë në hije zbatimin e kësaj marrëveshje.
Prandaj, edhe angazhimet aktuale të diplomatëve amerikano-evropianë janë në këtë drejtim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Avokati i Popullit nënvizon rëndësinë e mbrojtjes së gazetarëve, në ditën e lirisë së shtypit
-
Niger, trupa ruse hyjnë në bazën ku ndodheshin trupat amerikane
-
Shefi i OSBE-së: Kemi pasur rritje të dhunës ndaj gazetarëve në 12 muajt e fundit
