“Vaksina kineze Sinovac është efikase në parandalimin e Covid-19 tek të rriturit nën 60 vjeç. Por, mungojnë disa të dhëna mbi rrezikun e efekteve serioze anësore”, kanë zbuluar ekspertët e Organizatës Botërore të Shëndetësisë (OBSH).
Ekspertët e pavarur në Grupin Strategjik Këshillimor të Ekspertëve të OBSH-së (SAGE) rishikuan dozёn e CoronaVac të Sinovac-it nga provat klinike të fazës sё tretё në Kinë, Brazil, Indonezi, Turqi dhe Kili.
Vaksina Sinovac është autorizuar në 32 vende dhe juridiksione, me 260 milionё doza të shpërndara, sipas ekspertëve tё SAGE.
“Ne jemi shumë të sigurt se dy doza të CoronaVac janë efikase në parandalimin e PCR-sё, të konfirmuar tё Covid-19 tek të rriturit e grup-moshёs 18-59 vjeç”, deklaroi SAGE në faqen e internetit të OBSH-së.
Deklarata citon gjithashtu boshllëqe tё provave për sigurinë në shtatzëni, mbrojtjen klinike tek të rriturit e moshuar, ata me sëmundje themelore dhe vlerësimin e ngjarjeve të rralla anësore.
Një grup i veçantë i ekspertëve teknikë të OBSH-së ishte duke rishikuar qëllimin e Sinovac të mërkurën për listën e mundshme të përdorimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
