Ministrja e Infrastrukturës dhe Energjisë, Belinda Balluku, ka njoftuar se fasha prej 800 kilovat orësh, për rritjen e çmimit të energjisë elektrike, nuk do të aplikohet ndaj konsumatorëve as për muajin nëntor.
Ky vendim, sipas një njoftimi edhe nga kreu i Qeverisë, Edi Rama, ka ardhur duke parë parashikimet e reshjeve të shiut në vijim, si edhe kursimin e energjisë që vetë qytetarët po ndërmarrin, apo edhe rënien e çmimit në tregun ndërkombëtar, ku Shqipëria blen rrymë për të plotësuar nevojat e konsumit.
“Vetëm duke qenë të bashkuar me të vërtetat e kësaj situate ne mund dhe do ta përballojmë edhe këtë sfidë, ku themelor mbetet kursimi”, shkruan Rama në median e tij sociale Facebook, ku ka shpërndarë edhe mesazhin e ministres Balluku.
Të njëjtën dinamikë e ka zbërthyer në detaje edhe kjo e fundit, duke e vënë sërish theksin te kursimi.
“Në rast se të gjithë bashkë vendosim të kursejmë qeveria shqiptare është e vendosur të mos ekspozojë asnjë abonent ndaj fashës prej 800 kilovatësh”, bëri me dije ajo.
Një aksion të tillë e ka marrë ministrja edhe ndaj administratës shtetërore, ku ka kërkuar nga 230 administratorë të kursehet minimalisht 15% e energjisë elektrike në çdo institucion shqiptar.
Në një takim që ajo zhvilloi me administratorët më 26 tetor, ka bërë të qartë se kursimi tashmë është një prioritet absolut i Qeverisë, pasi energjia, po shihet si një instrument i rëndësishëm, për të zbutur krizën.
230 administratorë do të kujdesen për ulje 15% të konsumit të energjisë në të gjitha institucionet publike. Prioriteti yne,eficenca ⚡energjisë, instrument i rendësishëm për të zbutur krizën energjitike. Kursimin e nisim nga vetja.Japim shembullin më të mirë, kursejmë që ta kemi. pic.twitter.com/JOVcbYmfGk
— Belinda Balluku (@BallukuBelinda) October 26, 2022
“Kursimin e nisim nga vetja. Japim shembullin më të mirë, kursejmë që ta kemi”, tha ajo përballë tyre.
Në rast të një ndryshimi të mundshëm të vendimit, fasha e aplikuar për konsumin mbi fashën e 800 kilovatëve, do të jetë prej 42 lekësh për kilovat.
Këtë shifër duhet ta paguajnë si konsumatorët familjarë, të cilët e kalojnë shumën, si bizneset e vogla, të cilat janë edhe kategoritë e mbrojtura nga Qeveria, sa i përket çmimit.
Vendimi ishte i propozuar fillimisht të hynte në fuqi më 1 tetor 2022.
Por, pas një rishikimi të situatës nga Qeveria, vendimi u shty, për të kaluar në rishikim mujor, varësisht nga situata energjetike në vend.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Lehtësimi i jetës së shqiptarëve, ligji i luftës dhe e ardhmja evropiane – Cilat ishin mesazhet e Ramës në Athinë?
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar