Eden Hazard do të nis nga fillimi ndeshjen e sotme përballë Getafe-s.
Kjo do të jetë hera e tretë me radhë që belgu starton për Real Madrid-in, duke shfrytëzuar pak nga lëndimet dhe nga infektimet me COVID-19 të bashkëlojtarëve.
Edhe pse nuk shënoi, ose nuk dhuroi asistim – Eden Hazard shfaqi një rritje në performancë.
Dhe, sipas së përditshmes prestigjioze AS, belgu tashmë e ka rifituar besimin e trajnerit italian Ancelotti.
Në një intervistë para ndeshjes me Getafe-n, Carlo Ancelotti u shpreh si në vijim:
“Hazard? Ai është shumë mirë, në ndeshjen po luan mirë kurse në stërvitje është i jashtëzakonshëm, është shumë e vështirë që të lë një lojtar si ai në stolin rezervë”.
I pyetur se a beson se Hazard do të gjejë formën e dikurshme, Carlo tha:
“Po, pa dyshim, por duhet të kemi pak durim. Ai kishte një kohë të gjatë pa luajtur dhe normalisht duhet disa ndeshje derisa të gjejë rritmin e tij të vërtetë”.
Hazard u transferuar dy vite më parë te Real Madrid-i, derisa ky është sezoni i tij i tretë me klubin madrilen.
Ndryshe nga ç’pritej, aventura e tij në kryeqytetin spanjoll nuk ka shkuar mirë.
Lëndimet e shumta e kanë penguar Hazard-in që të gjej formën e tij më të mirë, duke humbur eventualisht vendin e startuesit përballë një Vinicius-i në formë të shkëlqyer.
Mirëpo, derisa fati ja ka kthyer shpinën dy vitet e fundit, duket se kjo ka ndryshuar tani.
Hazard sot starton përsëri, dhe të gjithë sytë e madrilenëve janë nga ai.
A po rilind belgu? Mbetet për t’u parë…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Shqipëria s’ka asnjë pretendim ndaj Greqisë, veç respektit
-
Beleri nga burgu thotë se Rama po kërkon të sfidojë Greqinë
-
Mitsotakis dhe Erdogan do të diskutojnë të ardhmen e marrëdhënieve greko-turke
-
Një muaj paraburgim për Miletiç-in – lëndoi dhjetëra ushtarë të KFOR-it, policë dhe gazetarë në Veri