Lajme

Lajme

Përmbytjet në New York dhe New Jersey lënë 9 të vdekur

Nga Sadiola Xhelili

2 Shtator 2021 / 15:00

Në Shtetet e Bashkuara të Amerikës, situata e përmbytjeve në New York dhe New Jersey ka çuar deri më tani në nëntë të vdekur.

Më parë, Shërbimi Kombëtar i Motit (NWS) ka nxjerrë paralajmërimin e parë të përmbytjeve për qytetin e New York-ut, pasi mbetjet e uraganit Ida sollën shi të rrëmbyeshëm që përmbyti linjat dhe rrugët e metrosë në Manhattan, Brooklyn dhe New Jersey.

“Ky paralajmërim i veçantë për New York City-n shënon herën e dytë që ne kemi lëshuar një Urgjencë të Përmbytjeve të Fluksit. Hera e parë që kemi lëshuar një Urgjencë të Përmbytjeve të Fluksit ishte për New Jersey-n Verilindor një orë më parë”, ka treguar agjencia qeveritare.

Agjencia e lajmeve, “The Guardian”, tregon se kryebashkiaku i New York-ut, Bill de Blasio, e shpalli gjendjen e jashtëzakonshme pak para mesnatës së të mërkurës së 1 shtatorit.

Ai ka thënë se “ne po durojmë një ngjarje historike të motit të sotëm me shi rekord në të gjithë qytetin, përmbytje brutale dhe kushte të rrezikshme në rrugët tona”.

De Blasio e ka shpallur gjendjen e jashtëzakonshme rreth orës 23:30 dhe ka thënë se mijëra njujorkezë kishin pasur shkëputje të energjisë elektrike.

Nga ana tjetër, NWS regjistroi 3.15 inç shi në Central Park vetëm në një orë, duke tejkaluar 1.94 inçët që ranë në një orë gjatë stuhisë tropikale Henri natën e 22 gushtit, e cila besohej asokohe të ishte shifra më e lartë e regjistruar ndonjëherë.

“The Guardian” tregon se erërat e forta, shirat e dendur dhe një tornado goditën gjithashtu Pensilvaninë dhe New Jersey-n, duke shembur çatinë e një ndërtese të Shërbimit Postar të SHBA-ve dhe kërcënuar edhe një digë përgjatë rrugës.

NWS ka konfirmuar të paktën një tornado dhe postimet në mediat sociale kanë shfaqur se shtëpitë u shndërruan në rrënoja në Mullica Hill, një qark jugor i New Jersey-t.

Ndërkohë, autoriteti portual i New York-ut dhe New Jersey-t, i cili operon Aeroportin Ndërkombëtar Newark Liberty, ka shkruar në Twitter se të gjitha fluturimet u pezulluan dhe të gjitha parkingjet u mbyllën për shkak të përmbytjeve të mëdha.

Gjithashtu u pezullua i gjithë shërbimi i trenit për në aeroport.

Guvernatori Phil Murphy e shpalli gjendjen e jashtëzakonshme në të 21 qarqet e New Jersey-t, duke u bërë thirrje njerëzve të qëndrojnë larg rrugëve të përmbytura.

Kurse Autoriteti Metropolitan Train ka njoftuar se shërbimet do të ishin “jashtëzakonisht të kufizuara sonte, për shkak të reshjeve të mëdha dhe përmbytjeve në të gjithë rajonin” dhe rekomandoi “fuqimisht” që udhëtarët të shmangin udhëtimet nëse është e mundur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com
  • New york
  • permbytje
  • New Jersey
  • shi
  • urgjence

    • Të fundit nga rubrika

    Lajmet kryesore

    Më të shikuarat

    Kusari-Lila pengohet të flasë në Kuvend, Bogujevci kërkon nga sigurimi ta largojë Shalën dhe Zybën nga seanca

    4d Lajme

    Inteligjenca artificiale në rrugëtimin e transformimit të njerëzimit

    3d Teknologji

    Qendra për Mbrojtjen e Grave në vështirësi të mëdha financiare – gratë që ikin nga burrat dhunues shpejt mund ta humbin edhe këtë strehë shpëtimi 

    3d Lajme

    Pjesëmarrje masive në tubimin qendror të Frontit Evropian në Tetovë

    9h Kosova