Futbollisti i kombëtares shqiptare, Nedim Bajrami, ka përfunduar në radarin e klubit të Bologna-s.
Lajmin e ka bërë të ditur “Corriere dello Sport”, sipas të cilëve Bajrami është ndjekur nga menaxherët e klubit të Bologna-s në ndeshjen Shqipëri – Moldavi.
Në këtë ndeshje, mesfushori 24-vjeçar pati paraqitje shumë të mirë, ku arriti të shënojë edhe një gol në fitoren e kuqezinjve me rezultat 2:0.
Bajrami aktualisht është pjesë e Sassuolo-s, të cilëve iu bashkua në janar të këtij viti nga Empoli në formulën e huazimit me obligim blerje për shifrën e 6 milionë eurove në verën e këtij viti.
Megjithatë, mediat italiane shkruajnë se ai mund të bëhet pjesë e ekipit të Bologna-s, ku futbollisti kuqezi pëlqehet shumë nga trajneri i tyre, Thiago Motta.
Kujtojmë që Bajrami deri më tani ka luajtur vetëm në 18 ndeshje me fanellën e Sassuolo-s, prej të cilave ka shënuar dhe asistuar nga një herë.
Ndërkohë, momentet më të mira ai i kishte tek Empoli, me të cilët kishte shënuar 22 gola dhe kishte dhuruar po aq asistime në 127 ndeshje në të gjitha garat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës