Kryeministri i Kosovës, Albin Kurti, ka marrë pjesë në ceremoninë përkujtimore në nderim të 14 pjesëtarëve të Forcave të Armatosura Britanike, të rënë në Kosovë, në kuadër të misionit paqeruajtës të NATO-s dhe KFOR-it.
Kjo ceremoni është organizuar nga Ambasada britanike në Prishtinë, mbështetur edhe nga Forca e Sigurisë së Kosovës, ku në nder të Ditës së Përkujtimit, janë bërë homazhe para Memorialit të Dëshmorëve Britanikë, në sheshin “Edit Durham” në Prishtinë.
“Në këtë ceremoni përkujtimore, të rënët u nderuan edhe nga Presidentja e Republikës së Kosovës, Vjosa Osmani, Ministri i Mbrojtjes, Armend Mehaj, dhe ambasadori britanik, Nicholas Abbott”, thuhet në njoftimin e zyrës së kryeministrit.
Ndërkaq, Mehaj në një postim në llogarinë e tij në Facebook, ka shkruar se “sakrifica e heronjve dhe shërbimi i ushtarakëve britanik janë të mishëruara në ndërgjegjen tonë kombëtare”.
“Forcat e Armatosura Britanike, gjatë gjithë historisë së tyre, me angazhim vetëmohues në shërbim për të mbrojtur liritë, të drejtat demokratike dhe mirëqenien tonë, si dhe gjithë popujve tjerë liridashës anekënd Botës”, ka shkruar Mehaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
