Skuadra e Napolit ka marrë lajmin e rëndësishëm, pas ankesave të shumta në gjykata sportive, për të riluajtur ndeshjen përballë Juventusit në Torino, ndeshje në të cilen nuk u paraqit, për shkak të disa lojtarëve të infektuar me Covid-19.
Megjithëse, vendimi i Federatës Italiane të Futbollit (FIGC), ishte që Napoli humbet ndeshjen 3-0 në tavolinë dhe i hiqet një pikë në renditje, vendimi i Komitetit Olimpik (CONI) është që ndeshja do të riluhet, në një datë akoma të pacaktuar dhe pika e hequr do t’i rikthehet. Në total, Napoli, nëse fiton kundër Juventusit, mund të rikuperojë tashmë plot katër pikë, duke u afruar më shumë me kreun e renditjes.
Ndeshja do të luhej në 4 tetor, por në ekipin e Napolit kishte dy lojtarë pozitiv me Covid-19 dhe ekipi nuk udhëtoi drejt Torinos, ndonëse rregulli i UEFA dhe FIGC, përcakton qartë se ndeshja shtyhet vetëm në rastet kur ekipi ka më shumë se gjysmën e ekipit së bashku me portierin të prekur me Covid-19.
Rast i ngjashëm me Napolin, ishte dhe rasti i Milanit, të cilët kishin dy lojtarë të prekur me Covid-19, por udhëtuan drejt Crotone.
Gjithsesi vendimi u morr dhe në vazhdim pritet të publikohet data dhe ora, se kur do të zhvillohet ndeshja në “Allianz Stadium” të Juventusit./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
