Pothuajse tetë mijë banorë të një qyteti në Myanmar janë larguar pas luftimeve midis ushtrisë dhe forcave të milicisë kundër grushtit ushtarak.
Një numër shtëpish në Thantlang, shteti Chin, u dogjën nga artileria gjatë luftimeve në fundjavë.
Mendohet se mijëra banorë kanë ikur në Indi përtej kufirit të afërt.
Ushtria e Myanmar-it e mori pushtetin pas një grushti shteti në muajin shkurt, duke shkaktuar protesta të mëdha dhe formimin e milicisë kundërshtare.
Një pastor i krishterë u raportua se u qëllua për vdekje nga ushtarët, teksa u përpoq të shuante zjarrin në një ndërtesë.
Salai Lian, zëdhënës nga Komiteti i Çështjeve të Vendosjes Thantlang – organizatë që ndihmon njerëzit e shpërngulur – pohoi se forcat ushtarake kishin filluar “të qëllonin mbi shtëpitë” në qytet, duke bërë që njerëzit të iknin.
Një banor tha se “gati 100 për qind e banorëve janë larguar. Vetëm ata punonjës të qeverisë, që nuk marrin pjesë në lëvizjen e mosbindjes civile dhe trupat e ushtrisë, mbeten në qytet”.
Në shtetin indian të Mizoram, kreu i një grupi të shoqërisë civile, për Reuters tha se 5 mijë e 500 njerëz kishin mbërritur nga Myanmar në dy rrethe Mizoram gjatë javës së kaluar.
Raportuesi special i Organizatës së Kombeve të Bashkuara (OKB), Thomas Andrews, tha se situata në Thantlang ishte “ferri i gjallë”.
Në gusht, gjenerali Min Aung Hliang e shpalli veten kryeministër dhe tha se gjendja e jashtëzakonshme e vendit do të zgjatet.
Demonstratat u përhapën në të gjithë vendin pas grushtit të shtetit në shkurt.
Forcat e sigurisë u përgjigjën me një goditje brutale, duke vrarë më shumë se 1 mijë njerëz dhe arrestuar më shumë se 6 mijë persona, sipas Shoqatës së Ndihmës për të Burgosurit Politikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
“Po mbahet në një burg ferri”, Daily Mail shkruan për arrestimin e Sadik Durakut në Serbi i akuzuar për “krime lufte”
-
Mediat izraelite: Netanyahu rrezikon një urdhërarrest nga ICC-ja
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
A mund ta përballojë BE-ja zgjerimin me Ukrainën dhe Ballkanin?
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë