Në Shqipëri, para Luftës së Dytë Botërore, jetonin rreth 300 hebrenj.
Gjatë Holokaustit, Shqipëria ishte një nga vendet e pakta në Evropë ku numri i hebrenjve u rrit, duke arritur në afërsisht dy mijë.
E gjitha falë mbrojtjes që iu dha hebrenjve nga shqiptarët myslimanë, të cilët i strehuan.
Shqipëria e ka një muze të vogël hebraik të quajtur Muzeu i Solomonit në qytetin e Beratit, në të cilin kanë ardhur hebrenjtë nga Spanja në shekullin e XVI-të.
Ai i kushtohet kryesisht përshkrimit të mënyrës se si hebrenjtë u shpëtuan nga myslimanët dhe të krishterët gjatë Holokaustit.
“Ky është një muze i vogël, privat, një punë dashurie”, ka treguar profesoreshë Barbara Kirshenblatt-Gimblett.
Ai tregon në mënyrë modeste historinë se si myslimanët dhe të krishterët në vend ndihmuan në shpëtimin e qindra hebrenjve gjatë Holokaustit.
Ndryshe mund të quhet një “muze popullor”, një zhanër më vete.
Kurse institucioni i ri është ideja e Fondacionit Shqiptaro-Amerikan të Zhvillimit.
Alketa Kurrizo, e cila e përfaqëson atë OJQ, ka sqaruar se ekziston një prani e dokumentuar e hebrenjve në Shqipëri që daton në shekullin e II-të.
Në fund të shekullit të XIV-të, hebrenjtë romaniotë, me origjinë nga Ballkani, migruan nga Greqia në Shqipëri.
Në fund të shekullit të XV-të, gjatë Inkuizicionit, sulltani turk i ftoi hebrenjtë të jetonin nën sundimin mysliman në Perandorinë Osmane dhe disa hebrenj spanjollë u vendosën gjithashtu në Shqipëri.
Vlora, deri në vitin 1990, ishte selia e komunitetit të vogël hebre dhe u zgjodh si vendi i muzeut dhe jo si kryeqyteti, Tirana.
Ajo do të ndërtohet përballë vendit ku qëndronte sinagoga e qytetit dhe do të jetë pjesë e një kompleksi kulturor, duke përfshirë një muze historik dhe një muze etnografik.
Firma izraelite Kimmel Eshkolot Architects, e cila më parë ka projektuar sallën përkujtimore në malin Herzl në Jerusalem dhe Muzeun e Historisë Natyrore në Universitetin e Tel Aviv-it, ka fituar konkursin ndërkombëtar për projektimin e ndërtesës së Vlorës.
Kjo ndërtesë do të jetë relativisht e vogël me një sipërfaqe prej 1 mijë e 300 metra katrorë. Dy kate do t’i shtohen ndërtesës kryesore, e cila duhet t’i nënshtrohet ruajtjes historike.
Po ashtu arkitektët kanë projektuar një zonë të jashtme takimesh publike që do të shërbejë edhe si një vend përkujtimor.
Sakaq, pavijoni i hyrjes është projektuar që t’i ngjajë një blloku guri.
“Duam një lloj ikone në hyrje”, ka treguar arkitekti Limor Amrani.
Poshtë saj do të ketë një hapësirë për ekspozita të radhës që mund të aksesohet në mënyrë të pavarur nga ndërtesa kryesore. Dhe se materialet bashkëkohore do të përdoren në shtesat e ambienteve historike.
“Planifikimi është në një shkallë të këndshme, njerëzore. Ekziston një ndjenjë e një vendi që nuk ishte kapërcyer nga përparimi dhe ne donim të krijonim një shtesë që do të përshtatej me këtë”, ka treguar arkitekti Assaf Kimmel.
Ndërkohë, elementet e ndryshëm që përbëjnë sitin formojnë një hapësirë trekëndore që arkitektët po ia kushtojnë një koncepti lokal, “besës”.
Ashtu siç e përshkruajnë edhe studiuesit në qendrën e Holokaustit Yad Vashem në Jeruslem, “ndihma e ofruar për hebrenjtë mund të ketë qenë e bazuar në një kod nderi shqiptar të quajtur besa”.
Marrë nga “Haaretz”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve