Deklarata e Roma-s ka bërë të qartë se Evan Ndicka nuk kishte ndonjë patologji kardiake, ndaj dhimbjet e gjoksit dhe vështirësitë në frymëmarrje i shkaktoheshin nga kolapsi në mushkëri.
Mbrojtësi u shtri në fushë gjatë ndeshjes së Serie A me Udinese-s të dielën në mbrëmje, por nuk humbi ndjenjat dhe një defibrilator ishte i disponueshëm, por nuk u përdor.
Kur lojtarit të Bregut të Fildishtë iu bë një EKG në dhomën e ndihmës së parë në stadiumin “Bluenergy”, ajo tregoi “alternime atipike”, kështu që si masë paraprake ai u dërgua me urgjencë në spital.
Rezultatet e EKG-së u përshkruan në atë kohë si “shqetësuese” dhe bënë që “DAZN” madje të sugjeronte se mjekët dyshonin për një atak në zemër.
Megjithatë, pas një dite analizash në spital dhe nën vëzhgim, Ndicka doli dhe do të vazhdojë trajtimin në Romë.
Deklarata e klubit konfirmon se “situata mjekësore është në përputhje me një traumë kraharori me pneumotoraks minimal të majtë”.
Duket se Ndicka ka pësuar një goditje në brinjë gjatë pjesës së parë, me dhimbjen dhe vështirësitë në frymëmarrje të shkaktuara nga mavijosjet që kanë marrë pak kohë për t’u zhvilluar plotësisht dhe përfundimisht kanë çuar në kolapsin e mushkërive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
