Ministri i Jashtëm turk mbërrin në Ukrainë

Ministri i Jashtëm turk, Mevlut Çavusoglu, ka mbërritur në Ukrainë dhe lajmin e ka bërë të ditur ministri i Jashtëm ukrainas, Dmytro Kuleba.

“Solidariteti i Turqisë mbetet i palëkundur. Jam mirënjohës për mbështetjen politike dhe humanitare, si dhe për përpjekjet e vazhdueshme diplomatike të Turqisë për t’i dhënë fund luftës shkatërruese të Rusisë kundër Ukrainës,” shkroi Kuleba në profilin e tij në Twitter.

Welcomed my Turkish counterpart and friend @MevlutCavusoglu in Ukraine. Turkey’s solidarity remains unwavering. Grateful for political and humanitarian support, as well as Turkey’s ongoing diplomatic efforts to put an end to Russia’s devastating war against Ukraine. pic.twitter.com/kAGh9Rz9Qy

— Dmytro Kuleba (@DmytroKuleba) March 17, 2022

Ditën e djeshme, Çavusoglu ka vizituar Moskën si pjesë e përpjekjeve për të siguruar një armëpushim me Ukrainën.

Lajmin për vizitat e tij në dy shtetet që ndodhen në luftë e ka bërë të ditur presidenti i Turqisë, Recep Tayyip Erdoğan.

Në një fjalim televiziv, Erdogan tha gjithashtu se presidenti polak, Andrzej Duda, do të vizitojë Turqinë të mërkurën për bisedimet që priten të fokusohen mbi krizën në Ukrainë.

Javën e kaluar ministrat e jashtëm rus dhe ukrainas u takuan në margjinat e një forumi të diplomacisë të organizuar nga Turqia, megjithëse bisedimet e tyre nuk arritën të prodhonin një përfundim kënaqshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.