Drejtorët e Milanit, Frederic Massara dhe Paolo Maldini janë në diskutime të vazhdueshme me Real Madridin për një marrëveshje për ta blerë me një çmim më të ulët Brahim Diaz-in.
Diaz-it i skadon kontrata në fund të sezonit, pasi që ishte në huazim dyvjeçar nga skuadra e Madridit.
Përveç sagës së vazhdueshme për zgjatjen e kontratës së Rafal Leao-s, “Gazzetta dello Sport” raporton se situata e Diaz është një nga prioritetet më të mëdha për klubin.
Milan, la partita per Diaz: al Real lo rivogliono, lui vuole restare, Maldini tratta #calciomercato https://t.co/HkwuIXkI9p
— La Gazzetta dello Sport (@Gazzetta_it) April 3, 2023
Megjithatë, ka ende shumë për të luajtur para asaj kohe, dhe gazeta italiane thotë se Milan-i do të synojë ta ketë spanjollin në skuadër edhe për shumë vite të tjera.
Massara dhe Maldini do të vazhdojnë të negociojnë me Real Madridin për një zbritje për çmimin e Diaz, i cili aktualisht do t’i kushtojë 22 milionë euro në përputhje me një klauzolë në kontratën e spanjollit.
Megjithatë, rreziku është që Real Madrid të ruajë të drejtën për të blerë lojtarin e tyre për 26-27 milionë euro dhe raportet thonë se gjigantët spanjollë mund ta kthejnë Diaz-in në Madrid vetëm për ta shitur atë për një tarifë më të lartë.
23-vjeçari bëri një paraqitje spektakolare në mbrëmjen e kaluar, ku Milan-i e mposhti Napolin me rezultat 0:4, aty ku Diaz shënoi një gol dhe dhuroi një asistim.
Kjo nuk ka qenë hera e parë që Diaz është protagonist për kuqezinjtë në këtë sezon, pasi në shumë ndeshje të rëndësishme ka qenë vendimtar.
Goli ndaj Tottenham-it që i kualifikoi kuqezinjtë në çerekfinale të Ligës së Kampionëve dhe ai në derbi ndaj Juventus-it kanë qenë paraqitjet tjera pozitive për 23-vjeçarin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
