Dy gjiganët e futbollit evropian, Milan-i dhe Liverpool-i kanë një objektiv të përbashkët në merkato. Bëhet fjalë për 20-vjeçarin e Schalke 04, Malick Thiaw-n.
Sipas “Sky Italia”, kuqezinjtë janë në bisedime të avancuara për nënshkrimin e qendërmbrojtësit. Megjithatë përfshirja e Liverpool-it mund t’u prishi shumë punë në këtë mes.
Thiaw ka qenë lojtar kyç për Schalke-n këtë sezon në Bundesliga 2. Ai i ka luajtur të 20 ndeshjet e deritanishme nga minuta e parë.
Gjermani me pasaport finlandeze luan disa role. Ai luan në të dy krahët e qendrës së mbrojtjes. Por, mund të përshtatet edhe si mbrojtës i djathtë dhe si mesfushor shkatërrues.
Ai është bashkuar me Schelke-n në vitin 2015. Fillimisht kaloi në sistemin e të rinjëve dhe në verën e 2020 debutoi me skuadrën e parë.
Thiaw ka kontratë me skuadrën gjermane deri në verën e 2024. Sipas “Transfermarkt”-it, vlera e kartonit të lojtarit të Gjermanisë U-21 është 5 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
