Ministri Roberto Cingolani ka dhënë një mesazh të hapur për italianët që kundërshtojnë turbinat e reja me erë ose fermat diellore në zonën e tyre lokale.
“Alternativa është të heqësh qafe makinën tënde, pa kondicioner, pa telefon celular, pa internet fare”, ka thënë ministri i Italisë për Tranzicionin e Energjisë.
Qytetarët duhet ta kuptojnë këtë, ka këmbëngulur ai në një intervistë për të përditshmen “Financial Times”.
Fizikani dhe akademiku u emërua këtë vit nga kryeministri Mario Draghi për të udhëhequr një përpjekje për të reduktuar emetimet e karbonit në Itali.
Ministri i ri është përgjegjës për shpenzimin e rreth një të tretës së pjesës prej 200 miliardë eurosh të fondit të rimëkëmbjes së pandemisë prej 800 miliardë eurosh të Bashkimit Evropian.
Kjo pasi Italia është përfituesja më e madh e fondit.
Paratë i japin Romës një mundësi për të rindezur ekonominë e saj pas dy dekadash ngecjeje ekonomike, me tranzicionin e gjelbër qendror në planet e saj të fondit të rimëkëmbjes.
Kështu, Cingolani ka vendosur një objektiv për të prodhuar të paktën 70 për qind të energjisë elektrike nga burimet e rinovueshme deri në vitin 2030.Çka rezulton të jetë një hap i madh.
Vitet e fundit, kalimi i Italisë drejt burimeve të rinovueshme ka ngecur.
Burimet e rinovueshme përbëjnë vetëm 17 për qind të totalit të përzierjes energjetike të Italisë, duke e lënë atë të varur nga gazi natyror i shtrenjtë, 95 për qind e të cilit importohet.
“Përzierja jonë e energjisë është shumë e varfër”, ka thënë Cingolani.
Sipas “Financial Times”, vendi është goditur rëndë nga rritja e fundit e çmimit të gazit.
Tanimë, qeveria ka caktuar tre miliardë euro për të ndihmuar familjet më të varfra dhe bizneset e vogla të paguajnë faturat e tyre dhe po përgatit një paketë të mëtejshme ndihme për vitin e ardhshëm.
Italisë i duhet të trefishojë kapacitetin e saj gjenerues nga era dhe dielli deri në vitin 2030, ka treguar Cingolani. Për të, “nuk ka plan B”.
Më parë drejtor shkencor i Institutit Italian të Teknologjisë, ai e cilësuar veten si “ministër teknik”, duke shmangur caktimin e tij si politik.
I pyetur nëse do të ishte e mundur të merrte miratimin e publikut për zgjerimin masiv të burimeve të rinovueshme, ai u tregua i sinqertë: “Si kudo tjetër, përgjigja është jo”.
Më parë, Roma ka shprehur dyshime për planet e BE-së për të shtrirë skemën e tregtimit të emetimeve në strehim dhe transport, gjë që do të rriste faturat e energjisë për konsumatorët.
Vendi ka deklaruar se dëshiron të kuptojë ndikimin ekonomik mbi familjet e veta përpara se të japë bekimin për të.
“Ne duam të bëjmë gjëra të mira, por ndërkohë ka probleme sociale. Qëndrueshmëria është një kompromis”, ka përmbyllur Cingolani
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
“CdM” zbardh “detaje” nga takimi Scholz-Spajiç: Kosova në Këshill të Evropës – kur të bëjë “hapa konkretë” drejt Asociacionit
-
AfD gjermane e paprezantueshme. Le Pen dëshiron të shikojë Melonin
Lajmet kryesore
-
Ukraina ka frikë nga kolapsi, NATO po shqyrton vijat e kuqe për ndërhyrjen e drejtpërdrejtë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Të porsalindurit në Luhansk ‘konfiskohen’ nga rusët
-
“CdM” zbardh “detaje” nga takimi Scholz-Spajiç: Kosova në Këshill të Evropës – kur të bëjë “hapa konkretë” drejt Asociacionit