Kuvendi Komunal i Prishtinës në një seancë të jashtëzakonshme të martën, ka shkruar nga posti kryesuesin e Kuvendit Komunal të Prishtinës, Pëllumb Bajqinovci.
Votimi ishte i fshehtë ndërsa nga 33 asamblistë që morën pjesë në votimin e fshehtë, të gjitha votat ishin pro shkarkimit të Bajqinovcit.
Në votim morën pjesë asamblistët e Lëvizjes Vetëvendosje, Partisë Demokratike të Kosovës, Aleancës për Ardhmërinë e Kosovës dhe Aleancës Kosova e Re.
Ndërsa, asamblistët e Lidhjes Demokratike të Kosovës e kanë lëshuar sallën para se të niste votimi.
Para votimit, kryetari Përparim Rama, akuzoi asamblistët për “rrëmbim të pushtetit”. Bashkë me Bajçinovcin, pas fjalimit e para votimit, lëshuan sallën.
“Kjo është politika juaj me i ndalu projektet. Tani kur Rruga A po përfundon me kohë rekorde, ndërtimi i gjashtë shkolla dhe çerdheve. Tani kur unaza e qytetit është në proces. Ndodhemi në një pikë udhëkryqi në kryeqytet. Kjo është tentativë për të rrëmbyer pushtetin. Po tentohet të bllokohet kryeqyteti”, ka thënë Rama.
Shkarkimi i Bajqinovcit u iniciua nga Lëvizja Vetëvendosje, me arsyetimin se ky shkarkim është hapi i parë dhe i domosdoshëm për zhbllokimin e Kuvendit, i cili, sipas tyre, tash e më shumë se dy muaj nuk ka mbajt asnjë mbledhje të rregullt dhe është tërësisht jo funksional.
“Si grupi më i madh i këshilltarëve komunal dhe si partia më e madhe në Kryeqytet, ndjejmë obligim dhe përgjegjësi ndaj qytetarëve që na kanë besuar përfaqësimin. Në këtë drejtim dhe për këtë qëllim është edhe kjo iniciativë për funksionalizimin e Kuvendit në mënyrë që ky institucion të aktivizohet dhe ta kryej punën e vet në shërbim të qytetarëve e për të mirën e përgjithshme të qytetit”, thuhet në njoftimin e Lëvizjes Vetëvendosje pas shkarkimit.
Votimi për shkarkimin e tij vjen pas prishjes së koalicionit në mes të Partisë Demokratike të Kosovës dhe LDK-së në kryeqytet.
Prishja e koalicionit në Prishtinë erdhi pasi asamblistët e PDK-së votuan për anulimin e vendimit për shkëmbim e disa pronave komunale.
Paraprakisht, Rama shkarkoi disa drejtorë të PDK-së.
Bajçinovci ishte zgjedhur kryesues në një mbledhje më 27 qershor, pas shkarkimit të Fehmi Kupinës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
ZPS: Dëshmitari i 62-të është arrestuar dhe rrahur nga ushtarët e UÇK-së
-
ASK: Mbi 1 milionë qytetarë janë regjistruar deri më tani
-
Këshilli Evropian jep dritën jeshile për instrumentin e ri të rritjes ekonomike në Ballkanin Perëndimor
-
Anëtarësimi në KiE, Tahiri: Qeveria të tregohet e mençur, mos ta lerë Kosovën të izoluar
Lajmet kryesore
-
Rama: Kush flirton me korrupsionin nuk ka punë me ne, por me drejtësinë
-
Këshilli Evropian jep dritën jeshile për instrumentin e ri të rritjes ekonomike në Ballkanin Perëndimor
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Lajçaku e Escobari “zhyten thellë” në diskutime