Rregullatori bankar i Japonisë po vëzhgon huadhënësit rajonalë se si bizneset lokale po përballen me kufizime të reja për të përmbajtur COVID-19. Institucioni kërkon të parandalojë një rritje të falimentimeve, thanë për agjencinë e lajmeve ,Reuters, katër burime me njohuri të drejtpërdrejtë të çështjes.
Sondazhi i bërë Agjencia e Shërbimeve Financiare (FSA), i cili ndoqi masat e gjendjes së emergjencës të marra nga qeveria muajin e kaluar, doli në përfundimin që masat mund të destabilizojnë ekonomitë rajonale.
Ndërsa politikëbërësit theksojnë se sistemi bankar i Japonisë mbetet i qëndrueshëm si një e tërë, lëvizja nënvizon shqetësimin e tyre mbi dëmtimin e zgjatur që pandemia e coronavirus-it po u shkakton kompanive dhe bankave.
“Institucionet financiare duhet të bëjnë çmos për të mbështetur financimin e korporatave,” tha një nga burimet. “Duke pasur parasysh nevojën për të ndihmuar ekonomitë rajonale të rigjallërohen pas pandemisë, ne duhet të parandalojmë rritjen e falimenteve.”
Burimet folën në kushte anonimiteti pasi nuk ishin të autorizuar të flisnin publikisht.
Një zyrtar i FSA-së tha për Reuters se “që nga marsi i vitit të kaluar, ne kemi bërë përpjekjet e institucioneve financiare për të mbështetur bizneset. Kjo është një përparësi kryesore në inspektimet dhe mbikëqyrjet tona”.
Japonia vendosi 11 nga 47 prefekturat e saj nën një gjendje të jashtëzakonshme muajin e kaluar. Masat e frenimit përqendroheshin në shkurtimin e orëve të punës në bare dhe restorante dhe pezullimin e një iniciative të subvencionuar të turizmit.
Qeveria hoqi gjendjen e emergjencës për një nga 11 prefekturat të hënën. Por kryeqyteti Tokio ka ende ndalime në vend, gjë që është shenjë e keqe për disa zona rajonale të varura nga turistët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-ministri britanik i Mbrojtjes thotë se Scholz duhet të dërgojë Taurus-ët në Kiev menjëherë
-
Puna e Kuvendit gjatë vitit 2023 cilësohet e dështuar, IKD: U morën vendime antikushtetuese e antiligjore
-
Amerika autorizon Ukrainën të godasë Krimenë me raketa me rreze të gjatë
-
“Të cenueshëm ndaj dronëve rusë”, Kievi tërheq tanket Abrams nga fronti
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Tensione sërish te Bashkia Tiranë, protestohet me molotov
-
Amerika autorizon Ukrainën të godasë Krimenë me raketa me rreze të gjatë
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE