Kryeministri i Marokut, Saad Dine El Othmani paralajmëroi të hënën për një shpërthim të variantit britanik tё Covid-19 në mbretëri.
“Që nga 9 prilli, Maroku ka regjistruar 115 raste të konfirmuara të variantit, ndërsa ka 1 mijё e 500 raste gjysmë të konfirmuara, duke e çuar numrin e përgjithshëm në rreth 1 mijё e 600 në të gjithë mbretërinë” , u shpreh Saad Dine El Othmani.
Duke folur në një seancë të përbashkët plenare të dy dhomave të parlamentit, Kryeministri shprehu shqetësime në lidhje me variantet britanike, të cilat përhapen shpejt dhe prekin të rinjtë.
Othmani mbrojti vendimin e qeverisë së tij për të ruajtur shtetrrethimin e natës, gjatë gjithë muajit të shenjtë të Ramazanit.
Ai vuri në dukje se nga 5 prill deri më 11 prill, Maroku ka regjistruar 3 mijё e 905 infeksione të reja me coronavirus, me një rritje të qëndrueshme gjatë tre javëve të fundit.
Në 24 orët e kaluara, Ministria e Shëndetësisë regjistroi 684 raste të reja me virus, duke e çuar totalin në 502 mijё e 961. Regjistroi gjashtë vdekje, numri i përgjithshëm i tё cilave arriti në 8 mijё e 915, ndërsa rikuperimet në 489 mijё e 288.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konkurrenti holandez skualifikohet nga gara e Eurovision
-
Valët brutale të të nxehtit dhe qytetet e zhytura në ujë: si do të dukej një botë me 3 gradë më shumë
-
Izraeli urdhëron evakuime të reja në Rafah ndërsa përgatitet të zgjerojë operacionet
-
IDF lëshon paralajmërime të reja evakuimi në Rafah-un lindor dhe Jerusalemin verior