Qyteti i Mariupolit ndodhet në një emergjencë të vërtetë humanitare, pasi prej pesë ditësh është nën sulmin e forcave ruse dhe nuk ka ujë, energji elektrike, si edhe ushqimet po mbarojnë me ritme të frikshme.
Të paktën, kjo është situata që raporton agjencia ndërkombëtare e lajmeve Reuters, mbi qytetin lindor ukrainas, i cili është edhe një ndër pikat kyçe ku lufta mund të vendoset.
Rrethimi i qytetit është bërë pesë ditë më parë nga Rusia dhe duket se ndalimi i kalimit të rezervave ushqimore ka qenë ndër lëvizjet e para të tyre.
Kryebashkiaku i qytetit, po ashtu, ka pohuar se situata në qytet është shumë e vështirë. Rezervat ushqimore janë në prag përfundimi dhe, nëse nuk ka ndihma të shpejta humanitare, ky mund të jetë kapitullimi i një prej qyteteve më të rëndësishme në Ukrainë.
I vetmi qytet tjetër i rënë deri tani, është ai jugor i Kherson-it, i cili u sulmua nga forcat ruse prej Krimesë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Do të doja që këtë festë të isha me serbët”, Petkoviç-it i ndalohet hyrja në Kosovë
-
Për britaniken Express, Dhërmiu është destinacioni më i bukur evropian për pushimet 2024
-
‘Gara e re hapësinore’: cilat janë ambiciet e Kinës dhe pse janë kaq të shqetësuara SHBA-të?
-
“Fronti Evropian” do e mbajnë tubimin përmbyllës në Tetovë, e ftojnë VLEN-in “ta dorëzojë peshqirin, mos të marrin nokaut klasik”
