Manjati i teknologjisë – që udhëtoi në hapësirë me William Shatner – humb jetën në aksident ajror

Një manjat i teknologjisë – që udhëtoi në hapësirë ​​me William Shatner muajin e kaluar – tragjikisht humbën jetën së bashku me një person tjetër, kur një aeroplan i vogël u rrëzua në veri të New Jersey-it. Kjo u bë e ditur nga policia e shtetit.

Glen de Vries, 49 vjeç, nga New York City, dhe Thomas Fischer, 54 vjeç, nga Hopatcong, New Jersey, ishin në bordin e një “Cessna 172” me një motor që u rrëzua të enjten në një zonë të pyllëzuar të Hampton Toënship.

De Vries themeloi “Medidata Solutions”, një kompani teknologjike dhe ishte administrues i besuar në Universitetin “Carnegie Mellon”. Ai udhëtoi më 13 tetor në bordin e anijes “New Shepard” të “Blue Origin”, duke kaluar më shumë se 10 minuta në hapësirë ​​pas nisjes së bashku me Shatner dhe të tjerë.

Në një deklaratë, “Blue Origin” tha: “Jemi të shkatërruar kur dëgjojmë për vdekjen e papritur të Glen de Vries. Ai solli kaq shumë jetë dhe energji për të gjithë ekipin e “Blue Origin” dhe për shokët e tij të ekuipazhit. Pasioni i tij për aviacionin, puna e tij bamirëse dhe përkushtimi i tij për zanatin e tij do të nderohen dhe admirohen gjatë”.

Sipas raporteve publike, Fischer zotëronte “Fischer Aviation”, një shkollë fluturimi familjare, dhe ishte instruktori kryesor i saj.

Ndërkaq, Bordi Kombëtar i Sigurisë së Transportit po heton aksidentin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.