Pas një hetimi të Njësisë Anti-Korrupsion, ish-zyrtarja më e lartë e Agjencisë së Trajtimit të Pronave dhe disa drejtues të kësaj agjencie rezultojnë të implikuar në veprimtari abuzive.
Kjo, përmes skemash, të cilat kanë prodhuar korrupsion thelbësor.
Lajmi u bë i ditur nga ministri i Drejtësisë në Shqipëri, Ulsi Manja, në një deklaratë për mediat, të martën e 24 majit.
Drejtuesja e agjencisë Jonida Baçi, zbuloi ministri, u shkarkua para pak ditësh me propozimin e tij nga kryeministri shqiptar Edi Rama.
Ai shpjegoi se, si koordinator i kësaj njësie, ka firmosur kallëzimin ndaj saj, të cilin do t’ia dërgojë SPAK-ut.
“Është radha e SPAK-ut të thellojë hetimet e veprimtarisë së këtyre individëve dhe të zbardhë deri në fund skemat abuzive të vëna në veprim në shkelje të ligjit e në kurriz të qytetarëve”.
Sipas tij, njësia ka kallëzuar zyrtarët për tre vepra penale: shpërdorim detyre, korrupsion pasiv dhe konflikt interesi.
Skemat
Gjatë deklaratës për shtyp, Manja shpalosi edhe dy skema, të cilat besojnë se lidhen me abuzimet e zyrtarëve të kësaj agjencie.
“Pronarët e mëparshëm të cilat kanë vendimet për kompensim financiar dhe fizik, i disponojnë këto vendime për një kohë të gjatë për marrjen e kompensimit që nuk e kanë realizuar deri më sot”.
Në këto kushte janë detyruar t’i shesin vendimet e tyre te sekserë.
Këta të fundit, sapo i kanë blerë këto të drejta reale, kanë aplikuar në Agjencinë e Trajtimit të Pronave ku janë kompensuar 100 për qind financiarisht, por edhe kompensuar fizikisht në vendet më të mira.
“Pasi i kanë marrë këto prona, kanë vijuar me transaksione, duke i kaluar në emër të familjarëve të zyrtarëve të Agjencisë së Trajtimit të Pronave”, sqaroi zyrtari shqiptar.
Skema tjetër ka të bëjë me abuzimet në rastin e kompensimit financiar të ish-pronarëve.
Pronat e tyre, në këtë rast, janë zënë me ndërtime të legalizuara.
“Çdo ish-pronar, prona e të cilit është zënë me një pronë të legalizuar, kompensohet financiarisht”, vërejti Manja.
Sipas tij, ish-pronarët, pasi marrin një vlerësim në Kadastër, depozitojnë kërkesën për t’u kompensuar financiarisht.
Referuar praktikës që vetë agjencia e ka vendosur si standard, skema ndjek rendin kronologjik të vendimeve.
Pra, vendimi i parë likuidohet më herët.
Mirëpo, ka dhe ish-pronarë, sipas Manjës, që presin 1-5 vjet për të marrë vlera qesharake për kompensim.
Manja nënvizoi se ka edhe, ish-pronarë që nga 1-17 ditë janë kompensuar deri në 500 milionë lekë.
Për sa më sipër, në përmbyllje u shpreh ministri, “na bën të dyshojmë se në këtë skemë të kompensimit të ish-pronarëve ka shpërdorim detyre”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel