Manchester United thuhet se do të luftojë me Atletico Madrid-in dhe Barcelonën për nënshkrimin e mesfushorit francez Adrien Rabiot.
Mirror thotë se ndërsa ka interes të madh nga Atletico dhe Barca në Spanjë, dëshira e 27-vjeçarit për të luajtur në Premier League mund t’i japë United avantazhin ndaj rivalëve të tyre.
Rabiot luajti në finalen emocionuese të Kupës së Botës të së dielës dhe do të jetë një nga lojtarët më të kërkuar pas kompeticionit, veçanërisht me kontratën e tij me Juventus-in që përfundon qershorin e ardhshëm.
Disponueshmëria e tij në një transferim falas është perfekte për Barcelonën. Megjithatë, ndërsa Rabiot nuk ka gjasa të pranojë një zgjatje të kontratës në Torino, Mirror beson se citimet e bëra nga francezi më herët në Kupën e Botës sugjerojnë se ai mund të preferojë një rikthim në Manchester.
Rabiot kaloi kohë në akademinë e Manchester City-t më herët në karrierën e tij, dhe ndërsa ishte në Katar, nënkampioni i Kupës së Botës tha: “Unë gjithmonë kam thënë se do të doja të luaja në Angli në karrierën time. Unë ende e kam atë dëshirë. më pëlqen të evoluoj në Premier League”.
United thuhet se ishte afër nënshkrimit të Rabiot merkaton e kaluar të transferimeve, por u shtynë nga kërkesat e tij për paga.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
