Lukashenko: Asnjë migrant nuk do ndalohet të futet në Evropë

Presidenti bjellorus, Alexander Lukashenko, kërcënoi se do të lejojë grupe migrantësh në Evropë dhe Gjermani në veçanti, në përgjigje të sanksioneve të vendosura nga Evropa për zgjedhjet e diskutueshme, një goditje masive dhe ndalimit të kundërshtarëve politikë.

“Ne nuk do të ndalojmë askënd”, tha Lukashenko.

Ai do të ndalojë lejimin e kalimit të mallrave përmes Bjellorusisë nga Kina dhe Rusia.

“Njerëzit janë në rrugën e tyre nga zonat e luftës në Evropën e ngrohtë dhe të rehatshme. Gjermania ka nevojë për punëtorë”.

Ai tha se do lejojë masa refugjatësh nga vende të tilla, si: Afganistani, Siria dhe Iraku në Evropë.

Në të njëjtën kohë, presidenti bjellorus njoftoi se nuk do të lejonte më mallrat të kalonin përmes Bjellorusisë në Rusi dhe Kinë.

Ai shtoi se tregu bjellorus u mbyll si hapi i parë.

“Lëvizja e mallrave nëpër vend tani do të ndalohet në një hap të dytë. E njëjta gjë duhet të bëhet me gjermanët. Lërini të shpërndajnë mallrat e tyre në Rusi dhe Kinë përmes Finlandës. Ose të kalojnë përmes Ukrainës, ka rrugë të mira dhe të shpërndajnë mallrat e tyre atje”.

Sanksioneve u përgjigjet me sanksione

Lëvizjet e Lukashenkos pasojnë një sërë sanksionesh të vendosura nga Bashkimi Evropian për shtypjen e dhunshme të protestave që pasuan zgjedhjet e diskutueshme presidenciale të vitit të kaluar që u panë gjerësisht si të manipuluara.

Sanksionet e vendosura nga Evropa dhe, gjithashtu, nga Shtetet e Bashkuara po bëjnë presion mbi Bjellorusinë, e cila po merr mbështetje financiare nga Moska.

Bjellorusia ka kohë që varet financiarisht nga Rusia, me borxhe që shkojnë në miliarda.

Të martën, figura e shquar e opozitës Viktor Babariko u dënua me 14 vjet në një kamp burgu në Bjellorusi me akuzat që ai tha se ishin të motivuara politikisht.

Ndërkohë, Presidenti i Këshillit të BE-së, Charles Michel, tha të martën se vendet anëtare dyshojnë se regjimi bjellorus ka një dorë në fluksin e migrantëve që hyjnë në Lituani, duke shtuar se blloku “nuk ishte i frikësuar”.

Sipas shërbimit të rojës kufitare lituaneze, vetëm gjatë 24 orëve të fundit, ata kishin arrestuar 131 migrantë, kryesisht nga Lindja e Mesme dhe Afrika.

Kjo e çon numrin e përgjithshëm të kalimeve të paligjshme të zbuluara nga migrantët në më shumë se 1 mijë e 300 deri më tani këtë vit, krahasuar me vetëm 81 për të gjithë vitin 2020.

BE premton sanksione të reja kundrejt Bjellorusisë

Të hënën e 21 qershorit, shefi i politikës së jashtme të Bashkimit Evropian (BE), Josep Borrel, ka bërë me dije se një seri sanksionesh të reja priten të miratohen nga ministrat e Jashtëm të BE- së kundër shumë zyrtarëve në Bjellorusi.

Unioni i ka shtuar vazhdimisht sanksionet që kur presidenti Alexander Lukashenko fitoi zgjedhjet gushtin e kaluar.

“Ne do të miratojmë paketën e sanksioneve të reja, e cila është një paketë më e gjerë”, u tha Borrell gazetarëve në Luksemburg, ku ai ishte duke kryesuar takimin ministror.

Ai tha se ngrirja e aseteve dhe ndalimet e udhëtimit do të godasin rreth 86 persona përfshirë organizatat.

Ministrat e Jashtëm të Bashkimit Evropian po diskutojnë për një raund të ri sanksionesh ekonomike ndaj Bjellorusisë.

Kjo vjen pasi udhëheqësit e BE-së ranë dakord të vendosnin kufizime serioze, në përgjigje të një uljeje të detyruar të një avioni pasagjerësh nga autoritetet e Bjellorusisë.

Sanksionet u vendosën fillimisht në tetor-dhjetor të 2020 dhe synonin 88 individë dhe shtatë njësi ekonomike.

Sanksionet përfshijnë një ndalim të udhëtimit në BE dhe një ngrirje të pasurive. Subjekteve të BE-së u ndalohet të kryejnë transaksione financiare me synimet e sanksioneve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.