Kupa e Italisë ka ardhur në fazën finale, ku këtë të mërkure dhe të enjte do të mësohen dy skuadrat finaliste.
Pra, dy gjysmëfinalet e dyta do të zhvillohen këtë mesjavë, ku pa dyshim më interesantja do të jetë ajo mes Inter-it dhe Juventus-it që do të zhvillohet sonte (e mërkure) me fillim nga ora 21:00, kurse gjysmëfinalja tjetër do të zhvillohet nesër mes Fiorentina-s dhe Cremonese-s.
Nga dueli i sotëm mes Inter-it dhe Juventus-it janë nëntë lojtarë që në rast se ndëshkohen me kartonë të verdhë do ta humbasin finalen.
Gjashtë janë të zikaltërve: Marcelo Brozovic, Joaquin Correa, Robin Gosens, Lautaro Martinez, Romelu Lukaku dhe Andre Onana.
Ndërsa tre lojtarë të Juve-s rrezikojnë: Danilo, Fabio Miretti dhe Mattia Perin.
Kurse në ndeshjen e nesërme te Fiorentina rrezikojnë: Sofyan Amrabat dhe Lucas Martinez Quarta.
Ndërsa Cremonese është klubi që ka më së shumti lojtarë të ndëshkuar me të verdhë: Cyriel Dessers, Alex Ferrari, David Okereke, Soualiho Meite, Giacomo Quagliata, Emanuele Valeri dhe Johan Vasquez , plus trajnerin e tyre Davide Ballardini.
Ndryshe nga sa ndodh në kompeticionet evropiane, kartonët e verdhë nuk skadojnë me përfundimin e çerekfinaleve në Coppa Italia.
Kujtojmë që ndeshja e parë mes Juventus-it dhe Inter-it përfundoi me rezultat 1:1, pra gjithçka do të jetë e hapur.
Ndërsa çerekfinalja e parë mes Cremonese-s dhe Fiorentina-s përfundoi në të mirë të këtyre të fundit me shifrat 0:2, pra klubi viola me një këmbë është në finale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel