Lufta më interesantë për titull këtë sezon po zhvillohet në ligën franceze.
Tre super skuadra që sfidojnë njëra tjetrën dhe e katërta që herë pas here shfaqet aty lartë.
E mërkura në Ligue 1 solli rezultate të pritshme, mes tyre edhe një befasi.
Lille, PSG dhe Lyon fituan ndeshjet e tyre respektive ndërsa Monaco u gjunjëzua në Strasbourg.
Lille fitoi ndeshjen mes emoicioneve, ku u desh të pritej deri në minutën e 90-të për të parë golin e epërsisë përballë Marseille-s.
Ishte Jonathan David që në minutat 90 dhe 91 shënoi dy herë për rezultatin 2-0.
Vetëm një gol ishte i mjaftueshëm për të përzgjedhurit e Pochettino-s që të arrijnë fitoren në Bourdeaux.
Pa Mbappe-n dhe Neymar-in, ishte Pablo Sarabia që u shndërrua në protagonist për parisienët.
Goli i spanjollit në minutën e 20-të ishte i mjaftueshëm që PSG të sigurobte tre pikët.
Njejtë sikur PSG, edhe Lyon shënoi vetëm një gol për tre pikët përballë Rennes.
Ishte super talenti Houssem Aouar që shfrytëzoi asistimin e Memphis Depay për të shënuar golin vendimtar të ndeshjes.
Ndërkohë, edhe në ndeshjen e Monaco-s kishte vetëm një gol, por ky gol ishte i mjaftueshëm që djemtë nga principata të rrëzoheshin.
Ishte Guilbert, në aksionin e fundit të takimit, që i dhuroi Strasbourg-it një tre pikësh shumë të rëndësishëm në luftë për mbijetesë.
Kjo është tabela e plotë e Ligue 1 pas 28 javëve të luajtura:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
