LDK-ja kërkon hetime të pavarura për kanosjen ndaj Abdixhikut dhe tre zyrtarëve tjerë

Lidhja Demokratike e Kosovës, pas raportimit për “tentim-atentatin” ndaj kryetarit Lumir Abdixhiku dhe tre zyrtarëve të tjerë, përmes një komunikate për media ka kërkuar nga institucionet përgjegjëse që të bëjnë hetime të pavarura.

Ndryshe, Abdixhiku të enjten para mediave ka thënë se Policia e Kosovës ka ofruar sigurinë e nevojshme me të marrë informacionin se po parashihet një atentat ndaj tij dhe disa deputeteve të LDK-së, prandaj nuk ndihet i rrezikuar.

Në shkrimin e publikuar nga Gazeta Express e më pas edhe nga media të tjera u tha se në LDK janë njoftuar nga shërbime partnere/gjermane se planifikimi i një grupi, të cilit ende nuk i dihen motivet, ishte të realizonte antenat ndaj Abdixhikut dhe disa politikanëve seniorë në LDK.

Lajmi i dhënë për “planifikimin e atentatit ndaj kryetarit të Lidhjes Demokratike të Kosovës” nga Policia e Kosovës kanë thënë se kanë marrë të gjitha veprimet e nevojshme për “një kanosje” ndërsa Albanian Post ishte informuar edhe nga burime brenda Prokurorisë se janë njoftuar “përmes telefonit si rast, por asgjë më shumë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.