Kuvendi i Kosovës me 66 vota ka emëruar anëtarin ndërkombëtar në Këshillin Shtetëror të Cilësisë me mandat pesëvjeçar. Mirëpo, në rendin e ditës nuk ka qenë votimi për anëtar të KSHC-së.
Kryetari i Komisionit për Arsim, Ardian Gola, u shpreh se duhet të trajtohet me urgjencë pasi që ka disa programe të doktarës që rrezikojnë të mos mund të pranojnë studentë nëse nuk bëhet akreditimi i tyre.
Ndonëse partitë opozitare e kanë përkrahur emërimin e këtij anëtari, kanë pasur kritika se pse është sjellë me vonesë votimi në Kuvend.
Nga KSHC kohë më parë kishin dhënë dorëheqje tre anëtarët ndërkombëtarë, pasi refuzuan të deklaronin pasurinë sipas ligjeve të Kosovës.
Anëtarët e Këshillit Shtetëror të Cilësisë janë votuar me 17 qershor në Kuvendin e Kosovës.
Ndërsa, anëtarët e Këshillit Shtetëror të Cilësisë janë vendorë dhe ndërkombëtarë.
Anëtarët vendor janë: Hasnije Ilazi, Gëzim Tosuni, Seb Bytyçi, Krenare Pireva-Nuçi, Rozafa Koliqi dhe Dukagjin Zeka.
Tre anëtarë të tjerë janë ndërkombëtarë: Alison Felce, Cassie L. Bernhardt dhe Werner J. Stueber.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com