Kuvendi i Shqipërisë po zhvillon seancën plenare të radhës, teksa diskutimet midis mazhorancës dhe opozitës, vijojnë sipas rendit të ditës.
Një detaj i pikasur përgjatë fjalës së ministrit të Brendshëm, Bledar Çuçi, është fakti se deputeti demokrat – mbështetës i Sali Berishës – Agron Shehaj, në vend që të dëgjojë fjalën e ministrit, është fiksuar nga kamerat duke lexuar një libër.
Madje, ai duket tepër i përqendruar gjatë leximit, a thua se është në një bibliotekë e jo në sallën e Kuvendi të Shqipërisë.
Çështja e vëmendjes në Parlament gjatë seancave plenare, ka qenë një problem i kahershëm i deputetëve shqiptarë.
Në shumicën e kohës, ata kapen me telefona në duar apo duke biseduar – përpos rasteve po aq të shumta, kur nuk gjenden fare në sallë.
Mirëpo, sipas rregullores, gjatë seancave plenare, përdorimi i telefonave apo pajisjeve të tjera është i ndaluar. Arsyeja është pikërisht fokusimi tek çështjet ku diskutohen akte ligjvënëse në vend.
Për librin, ndoshta Shehaj mund të ketë mësuar se në rregullore nuk shkruhet diçka, e ndaj ka vendosur të shpalosë dëshirën e tij karshi artit të të shkruarit.
Vetë libri, duket se është një libër nga bota e biznesit, prej ku edhe vetë Shehaj vjen.
Por një gjë është e sigurt: Salla e Parlamentit, bibliotekë nuk është! Të paktën, jo në rregullore…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ngjarja tragjike në Shkodër, gjendet trupi i fëmijës së dytë
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin