Kurti ia shpreh shqetësimin shefit të OSBE-së për kërcënimet nga Beogradi ndaj policëve të komunitetit serb
Kryeministri i Kosovës, Albin Kurti është takuar me shefin e Misionit të OSBE-së në Kosovë, Michael Davenport, të cilit ia ka shprehur shqetësimin për kërcënimet nga Beogradi ndaj policëve të komunitetit serb.
Takimi është bërë i ditur përmes një komunikate për media.
“Në lidhje me këtë, Kryeministri Kurti shprehu shqetësimin e tij në lidhje më kërcënimet dhe frikësimet nga Beogradi dhe strukturat ilegale ndaj policëve të rinj nga komuniteti serb të angazhuar së fundmi në Policinë e Kosovës”.
Kurti dhe Davenport, kanë diskutuar edhe për procesin e zgjedhjeve të parakohshme në Veri.
“Ndër të tjerash, diskutuan për procesin e zgjedhjeve të parakohshme në komunat në veri të Kosovës, me ç’rast Kryeministri shprehu falënderimin e tij për mbështetjen e OSBE-së në adresimin e legjislacionit sekondar në lidhje me nenin 72 të Ligjit për vetëqeverisje lokale”.
Më 25 korrik nisën punën 72 policë të rinj nga komunitetet joshumicë, përfshirë 45 nga komuniteti serb, pas konkursit të shpallur nga Policia e Kosovës në fillim të muajit. Insitutucionet e Kosovës dhe faktori ndërkombëtar e kanë cilësuar si të papranueshëm çdo lloj kërcënimi apo frikësimi ndaj tyre.
Ministri i Administrimit të Pushtetit Lokal, Elbert Krasniqi, të martën përmes një postimi në rrjetin e tij social në Facebook, ka njoftuar se Ministria të cilën ai e drejton ka përfunduar hartimin e Udhëzimit Administrativ për iniciativën e qytetarëve për largimin e kryetarëve që do t’u hapte rrugë zgjedhjeve të reja në katër komunat në Veri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Partitë shqiptare në Bujanoc nënshkruajnë marrëveshje paszgjedhore për të ruajtur shumicën
-
Qëllimi i Putinit nuk është Ukraina por Evropa, paralajmëron ministri gjerman i financave
-
Ndërtimi i TEC-it në Roskovec, Balla: Investim strategjik, zero risk për mjedisin
-
Ministri serb: Fitorja e Kosovës në KiE s’është më aq e lehtë dhe e thjeshtë