Ministri i Jashtëm ukrainas, Dmytro Kuleba, ka dënuar të gjithë ata që mbështesin dhe nuk i dënojnë veprimet e presidentit rus Vladimir Putin, i cili po bombardon vende ku ka civilë duke lënë të vrarë qindra njerëz mes tyre edhe fëmijë.
“Disa duan të jetojnë në një botë të thjeshtë ku Putin-i është i vetmi përgjegjës për luftën. Realiteti është se dikush në fakt hedh bomba në qytetet e Ukrainës, qëllon të evakuuarit, formon ‘Z-të’ dhe mbështet Putin-in në sondazhe”, shkruan Kuleba në median sociale Twitter, duke shprehur zemërimin për masakrat që po bën presidenti rus në Ukrainë.
Sipas tij edhe ata që e mbështesin mbajnë përgjegjësi.
“Ashtu si në vitet 1930, ata mbajnë përgjegjësi, qoftë edhe të helmuar nga propaganda”, përmbyllet mesazhi i tij.
Some want to live in a simple world where Putin is solely responsible for the war. The reality is that someone actually drops bombs on Ukrainian cities, shoots evacuees, forms ‘Zs’, backs Putin in surveys. Like in 1930s, they bear responsibility, even if poisoned by propaganda.
— Dmytro Kuleba (@DmytroKuleba) March 18, 2022
Kujtojmë që kjo është dita e 23-të e luftimeve mes Rusisë dhe Ukrainës. Kjo e fundit ka bërë një rezistencë të lartë kundër trupave dhe bombardimeve ruse.
Sipas OKB-së, rreth 3 milionë njerëz janë larguar nga Ukraina dhe numri i ushtarëve rusë të vrarë nuk dihet ende – mendohet mbi 13 mijë.
Ndërsa rreth 2 mijë e 500 civilë janë vrarë vetëm në Mariupol nga bombardimet ruse – mes tyre edhe fëmijë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel