Kryeministri i Republikës së Kosovës, Albin Kurti, me ceremoni shtetërore ka pritur Kancelarin e Austrisë, Karl Nehammer, i cili po është duke zhvilluar një vizitë dy ditore në Kosovë, Serbi dhe Bosnje dhe Hercegovinë.
Gjatë kësaj vizite kancelari austriak do të diskutoj edhe me liderët e Kosovës për çështjet e sigurisë dhe agjendën evropiane të Kosovës.
Për Nehammer, në cilësinë e kancelarit, kjo është vizita e parë zyrtare në Republikën e Kosovës.
Ai është në takim me kryeministrin Kurti ku pas takimit është paralajmëruar një konferencë e përbashkët për media.
Kancelari austriak do të takohet edhe me presidenten e Kosovës, Vjosa Osmani.
Para vizitës në shtetet e Ballkanit Perendimor, kancelari austriak ka deklaruar se Bashkimi Evropian dhe shtetet anëtare të tij nuk duhet ta lënë “këtë rajon mënjanë” sepse është i rëndësishëm për Evropën, sidomos në raport me akterët e tjerë “si Rusia, dhe nuk do të lejojmë që rajoni të destabilizohet”.
Nehammer ka bërë të ditur se BE-ja ka një interes të veçantë për zhvillimin e mirë ekonomik në të gjitha shtetet e Ballkanit Perëndimor.
“Ne kemi një interes të veçantë për stabilitetin dhe zhvillimin e mirë ekonomik në të gjitha vendet e Ballkanit Perëndimor”, ka thënë ai.
Lajmi në përditësim…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Cameron thotë se Britania e Madhe nuk do të ndjekë SHBA-të në ndalimin e shitjeve të armëve në Izrael
-
Kosova nën sanksionet e BE-së shënon Ditën e Evropës pa progres drejt integrimeve