Kryeministri Italian, Giuseppe Conte, fitoi votëbesimin gjatë votimit në dhomën e ulët, më 18 janar. Sfida e tij më e madhe mbetet Senati. Pritet që Senati të votojë më 19 janar.
Duket se Italia po e tejkalon krizën politike, pasi fitoi besimin në dhomën e ulët me 321 vota pro. Conte mori gjashtë vota më shumë se shumica absolute, falë mbështetjes së ish-deputetes Renata Polverini dhe shtatë deputetëve të Lëvizjes Pesë Yje (Movimento Cinque Stelle).
Kryeministri i bëri thirrje liberalëve, pro-evropianë të mbështesnin qeverinë e tij, e cila gjendej në një gjendje të vështirë. Në mungesë të mbështetjes ndaj tij, ata do të rrezikonin t`i jepnin pushtetin të djathtës nacionaliste.
Duke iu drejtuar dhomës së ulët, Conte tha se nuk ishte koha për të krijuar një qeveri të re. Sipas tij, Italia meritonte “një qeveri kohezive”, me “një mision thelbësor Evropian. Italia duhet të bënte që një zgjedhje të qartë, kundër “tendencave nacionaliste”.
Në sallë nuk munguan debatet me opozitën. Kreu i ekstremit të djathtë Lega Nord, Matteo Salvini shtoi se “kryeministri po jeton në Mars”.
Humbja e shumicës
Italia hyri në një krizë të thellë politike. Kjo krizë mund të rrëzonte qeverinë Conte. Ish-kryeministri, Matteo Renzi, njoftoi dorëheqjen e dy ministrave të kabinetit dhe një ministri të ri. Kjo erdhi pas një grindje me Conte-n rreth mënyrës së shpenzimit të fondeve të BE-së (Recovery Fund). Këto fonde synojnë të ndihmojnë në daljen e Italisë nga kriza ekonomike e shkaktuar nga COVID-19. Italia do të marrë 209 miliardë euro (250 miliardë dollarë) nga Bashkimi Evropian (BE).
Largimi i ministrave të Renzi-t u prit me kritika. Ish-kryeministri Renzi, shtoi se Conte donte të administronte personalisht fondet e rimëkëmbjes së BE, që të fitonte shumë pushtet në vend./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel